Ministri i Jashtëm i Greqisë, Giorgos Gerapetritis ka zhvilluar një takim në Athinë me homologun e tij austriak, Alexandër Schallenberg ku dhe ka “shënjestruar” Tiranën dhe Shkupin.
Gjatë këtij takimi zyrtari grek ka paralajmëruar qeverinë e Shqipërisë si dhe të Maqedonisë së Veriut se veprimet e tyre të fundit po rrezikojnë perspektivat e vendeve të tyre për integrim evropian.
“Veprimet që tregojnë tendenca irredentiste nuk ndihmojnë në rrugën drejt familjes evropiane,” tha ai.
Gerapetritis nënvizoi shkeljet e fundit nga Maqedonia e Veriut të Marrëveshjes së Prespës dhe shprehu shqetësime për integritetin e regjistrimit të fundit të popullsisë në Shqipëri, duke kërkuar respektimin e ligjit evropian.
Në lidhje me marrëdhëniet me Austrinë, ministri i Jashtëm grek vuri në dukje lidhjet e forta dypalëshe mes dy vendeve, ndërsa theksoi rëndësinë e bashkëpunimit në kuadër të BE-së.
Sondazh
Lexo gjithashtu
