Dy ishuj të Greqisë kanë shpallur gjendjen e jashtëzakonshme pasi u goditën nga stuhia “Bora”, një stuhi që shkaktoi dëme të mëdah përfshirë ketu dhe jetë njerëzish.
Më shumë se 30 cm shi ra në Rodos, një nga vendet e para që u godit nga stuhia Bora, e cila mbërriti në Greqi të shtunën. Ndërkohë dy persona kanë gjetur vdekjen në ishullin Lemnos, në veri të Detit Egje ku rrugë e ndërtesa u përmbytën nga vërshimet e ujit.
Personi i tretë i shpallur i vdekur nga autoritetet greke, raportohet të jetë një shofer i cili ra në një kanal teksa përpiqej të shmangte prurjet e mëdha të ujit në rajonin verior të Halkidikit.
Në gadishmëri janë vendosur ekipet e shpëtimit si dhe ushtria e autoritetet lokale ndërsa disa banorë janë shpëtuar nga këto ekipe teksa banesat e tyre ishin të përmbytura. Kjo suthi ka lënë pas shumë dëme materiale, ndërtesa të bllokuara, makina të grumbulluara mbi njëra-tjetrën si dhe ndërprerje të energjisë elektrike në shumë zona.
Ndër zonat më të prekura është ishulli i Rodos ku përmbytjet e shkaktuara nga shirat e rrëmbyeshëm shkatërruar ura, krijuan shembje të dheut dhe haprën të çara në tokë ndërsa banesa e shtëpi u dëmtuan, të cilat disa prej tyre janë shpallur të pabanueshme.
Sondazh
Lexo gjithashtu
