Oficerët e zbatimit të ligjit në Tirolin e Jugut në Itali kanë arrestuar 3 persona mëngjesin e kësaj të premteje.
Sipas mediave të huaja, personat që kanë rënë në pragat e policisë janë shtetas shqiptarë, dhe akuzohen për vjedhjen e disa shtëpive në këtë zonë. Arrestimet u kryen në bazë të një urdhër-arresti nga prokuroria publike e Bolzanos.
Pas disa vjedhjeve në Tirolin e Jugut, autoritetet italiane filluan hetimet në shkurt të vitit 2024. Megjithatë, forcat e rendit kanë mundur të identifikojnë me shpejtësi autorët dhe të monitorojnë lëvizjet e tyre.
Gjatë këtyre hetimeve janë dokumentuar gjithsej pesë vjedhje, mes të cilave edhe një grabitje e rëndë në Brunico më 18 prill të këtij viti.
Grupi kriminal përbëhet kryesisht nga shtetas shqiptarë dhe është i specializuar për vjedhje banesash gjatë orëve të mbrëmjes dhe të natës. Një anëtar i bandës, i konsideruar si një figurë qendrore, rekrutonte ndihmës të tjerë nga rajone të tjera të Italisë, veçanërisht nga Kampania. Ky grup përdorte makina me qira për të shkuar në Tirolin e Jugut dhe për të kryer vjedhjet.
Duke ndërmarrë veprime të shpejta, oficerët e zbatimit të ligjit shpresojnë të kenë parandaluar krime të mëtejshme. Kamerat e vëzhgimit përmenden si një mjet i rëndësishëm për kapjen e autorëve.
Si rezultat, oficerët kanë arritur të dokumentojnë aktivitetet e të dyshuarve dhe t’i arrestojnë brenda pak muajsh.
Sondazh
Lexo gjithashtu
