Ministri i Jashtëm i Maqedonisë së Veriut, Timço Mucunski ka zhvilluar një takim me ministren e Jashtme gjermane, Annalena Baerbock, në Berlin ku mori mbështetje të dukshme për procesin e integrimit të vendit në Bashkimin Evropian dhe zgjidhjen e mosmarrëveshjeve me Bullgarinë.
Gjatë takimit, Baerbock theksoi rëndësinë e ndryshimit të Kushtetutës së Republikës së Maqedonisë së Veriut për të njohur zyrtarisht minoritetin bullgar si pakicë themeluese, një hap kyç që mund të hapë rrugën për negociatat e anëtarësimit të Shkupit në BE.
Mucunski shprehu falënderime për mbështetje e madhe që Gjermania po ofron në Procesin e Zgjerimit dhe në përpjekjet për të eliminuar pengesat me Bullgarinë.
Ai gjithashtu shpjegoi se qeveria e tij është e gatshme për kompromis, por pret përfundimin e zgjedhjeve parlamentare në Bullgari, të cilat do të zhvillohen në fund të tetorit.
Ky takim shënon një hap të rëndësishëm në përpjekjet e Maqedonisë së Veriut për t’u integruar në strukturat evropiane dhe për të forcuar marrëdhëniet me fqinjët e saj.
Sondazh
Lexo gjithashtu
