Hapësire reklamuese

Rajoni

Gërvalla në SHBA: Kosova e përkushtuar për NATO dhe BE, Serbia kërcënim për rajonin

Shkruar nga Newsbomb

Gërvalla në SHBA: Kosova e përkushtuar për NATO dhe BE,

Ministrja e Punëve të Jashtme dhe Diasporës, Donika Gërvalla ka marrë pjesë në tryezën e diskutimit me titull “Synime dhe shqetësime Rajonale”, të organizuar nga Instituti “Hudson” në Uashington.

Me anë të një postimi në rrjetet sociale, ajo bë me dije se ka folur për sfidat me të cilat përballen sot Kosova dhe rajoni i Ballkanit dhe Evropa Lindore.

“Duke përshkruar zhvillimin e jashtëzakonshëm të Kosovës, të ekonomisë së saj, por edhe të forcimit të të gjitha strukturave të sigurisë dhe forcave të saj të armatosura theksova përkushtimin e vazhdueshëm të Kosovës për vlerat demokratike dhe vullnetin e palëkundur për anëtarësim në NATO dhe BE,

“Duke iu përgjigjur shqetësimeve të shumta të të pranishmëve, theksova se Serbia është kthyer përsëri në një kërcënim të vërtetë jo vetëm për Kosovën dhe Bosnjë-Hercegovinën, por për të gjithë rajonin, duke potencuar rëndësinë e ndërrimit të strategjisë së demokracive perëndimore në raport me Serbinë si kundërshtaren më të fuqishme të vlerave Perëndimore dhe demokratike në Evropë dhe domosdoshmërinë e konfrontimit të Serbisë me rrezikun që paraqet për rajonin por edhe për paqen në Evropë”, ka shkruar Gërvalla.

 

Sondazh

Poll

Lexo gjithashtu

Hapësire reklamuese