Takimi midis Kosovës dhe Serbisë e organizuar në Bruksel, për çështjen e dinarit ka përfunduar sërish pa sukses, pasi nuk është arritur një marrëveshje konkrete midis palëve. Pas më shumë se 7 orë bisedimesh, ndërmjetësuesi i BE-së për dialogun, Miroslav Lajçak u ka dorëzuar palëve një propozim kompromisi, për të cilin nuk janë dhënë detaje të mëtejshme, ndërsa shtoi se do ti presë ata në takimin e radhës pas marrjes së komenteve konstruktive.
Përfaqësuesi i Kosovës për negociatat, Besnik Bislimi ka thënë se propozimi i Lajçak synon që të përafrojë qëndrimet e palëve sa i përket çështjes së ndihmës financiare nga Serbia për serbët në Kosovë. Sipas tij, Serbia shfaqi qëndrime shqetësuese gjatë takimit, teksa theksoi se Asociacionin e komunave me shumicë serbe, ato e shohin si mekanizëm për legjitimimin e prezencës së strukturave ilegale të Serbisë në Kosovë
"Sot për herë të parë, ne kemi parë haptazi, të dokumentuar nga Serbia, se si ata e shohin procesin e krijimit të Asociacionit. Përderisa për bashkësinë ndërkombëtare dhe Kosovën, Asociacioni është nënkuptuar si një mekanizëm që ndihmon komunat me shumicë serbe të koordinojnë ushtrimin e disa veprimeve të tyre, Serbia sot tregoi se e sheh si mekanizëm për legjitimimin e prezencës së strukturave ilegale të Serbisë në Kosovë",- tha kryenegociatori i Kosovës, Besnik Bislimi.
Banka Qendrore e Kosovës ka përcaktuar euron si valutën e vetme zyrtare që mund të përdoret në territorin e Kosovës duke nisur nga 1 shkurti i këtij viti. Vendimi i Bankës ka hasur në kundërshti të ndërkombëtarëve dhe komunave me shumicë serbe, pasi siç argumentojnë ato kjo përjashton pakicat etnike që përdorin si monedhë dinarin.
Sondazh
Lexo gjithashtu
