Një ekzekutim brutal me karakteristika mafioze ka ndodhur pasditen e së enjtes në Chalandri, në rrugën Papanikoli. Viktima Giorgos Moschouris, një emër i njohur për autoritetet si një personazh drejtues i të ashtuquajturës Mafia Greke.
Moschouris, i cili njihej me pseudonimin “Thamnakias”, sapo kishte dalë nga qendra private diagnostike, kur persona të panjohur me një automjet i janë afruar dhe e kanë “qëlluar” me kallashnikov. Ai u qëllua disa herë, disa prej të cilave e goditën në fytyrë, duke i shkaktuar vdekjen e menjëhershme.
Sipas mediave greke, në vendin e vrasjes u gjetën shumë gëzhoja, ndërsa pak kohë më vonë në zonën e Patimës së Çalandrit u gjet një automjet i djegur. Dyshohet se është makina e autorëve të arratisjes.
Policia po shqyrton seriozisht mundësinë e larjes së hesapeve brenda krimit të organizuar, pasi Moschouris i kishte mbijetuar një atentati në vitin 2020 në Voula, jashtë një pastiçerie të njohur.
Zona vijon të jetë e rrethuar, ndërsa hetimet për identifikimin dhe kapjen e autorëve janë duke u zhvilluar. Policia Helenike. mbledh pamjet nga kamerat e sigurisë dhe deklaratat e dëshmitarëve për të përshkruar rrugën e autorëve.
Sondazh
Lexo gjithashtu
