Vdekja e 13-vjeçares vazhdon te mbetet misterioze dhe dyshuese. Edhe pse u tha se ajo u vetëhodh nga kati i 7 ku jetonte, motra dhe familjarët e saj pretendojnë se e kanë vrarë.
Motra e Aurorës është e bindur se motrën e saj e ka vrarë i dashuri i saj M.S, 15 vjeç i cili është nën hetim për vrasje me dashje.
Ajo akuzon M.S. se e ka rrahur, e kishte tërhequr zvarrë dhe e ka hedhur nga tarraca, duke e bërë atë të bjerë nga një lartësi e madhe. Në rrjetet sociale, motra e viktimës ka bërë thirrje për drejtësi, duke deklaruar se vrasësit duhet të shkojnë në burg.
“Ai kishte vënë tashmë duart mbi të: ka pamje të bisedave në të cilat Aurora shkruante se kishte frikë prej tij“. 13-vjeçarja e quante atë ‘të papjekur’ dhe ‘të çmendur’.
Pas incidentit, M.S. kishte shkuar në një lokal aty pranë, ku kishte thirrur shërbimet e emergjencës duke pretenduar se ajo kishte kryer vetëvrasje.
Motra e Aurorës është e vendosur të vazhdojë të luftojë për të drejtat e motrës së saj dhe të sigurojë që drejtësia të bëhet. Ndërsa për La Stampa motra deklaroi se një herë ish-i dashuri M.S., shkoi në shkollë dhe në shtëpinë e tyre për ta takuar, edhe pa qenë i ftuar ku i ka rrëmbyer celularin nga xhelozia dhe tregon edhe për një shuplakë.
Ky rast i trishtueshëm ka ngritur shqetësime të mëdha për dhunën në marrëdhënie, veçanërisht mes të rinjve, dhe ka bërë thirrje për një reagim më të fortë nga institucionet përkatëse.
Sondazh
Lexo gjithashtu
