Edi Rama është në Kosovë ku po merr pjesë në festimet e 25 vjetorit të Çlirimit të vendit. Miku i veçantë i shqiptarëve, ish kryeministri britanik Tonny Blair është po ashtu në Kosovë ku sapo ka përfunduar edhe fjalimin e tij përpara deputetëve të parlamentit.
Por pak para seancës, gazetarët e Ekonomia Online kanë tentuar të pyesin kryeministrin Albin Kurti që ishte duke shkuar për në selinë e Kuvendit nëse do të takohej me kryeministrin e Shqipërisë Edi Rama që po ashtu gjendet në Prishtinë.
“Kemi seancë parlamentare në orën 10.00”, i ka bishtnuar Kurti përgjigjes duke dhënë një tjetër informacion, krejt i parëndësishëm për gazetarët pasi kishin dijeni për axhendën shtetërore të takimeve.
Kështu, deri tani nuk është planifikuar një takim i dy kryeministrave. Por kjo nuk do të thotë se ata do të mund të shmangin aktivitetet e përbashkëta.
Sondazh
Lexo gjithashtu
