
Mitrovica ka qenë ndalesa e radhës në ditën e djeshme për kryeministrin Albin Kurti, i cili tashmë ka "ndezur" motorët e fushatës elektorale, zgjedhje që do të mbahen në shkurt.
Partia Vetëvendosje me në krye Kurtin, ka zhvilluar gjatë ditës së djeshme një takim elektoral në Mitrovicë, një sallë e mbushur plot ndërsa ajo që kanë më së shumti në sy, ishte prania e madhe e flamujve shqiptarë dhe pothuajse asnjë simbol i Kosovës nuk u pa të valëvitej.
Gjithashtu dhe në faqen zyrtare të kryeministrit, është publikuar dhe një foto teksa lart ishte ngritur flamuri i Shqipërisë së Madhe me në krah figurat historike, Ismail Qemalin dhe Isa Boletinin. Në sekuencat e shkëputura nga ky takim elektoral, është publikuar vetëm një fotografi ku shihet një person që në dorë mban flamurin e Kosovës.