Ljupço Palevski Palco, i akuzuari i parë për vrasjen e Vanja Gjorçevskës dhe Pançe Zhezhovskit, është ekstraduar nga Turqia dhe ka mbërritur në Maqedoninë e Veriut. Palevski zbarkoi në aeroportin e Shkupit ku më pas u dërgua në burgun e Shutkës.
Ai u arrestua më 6 dhjetor të vitit të kaluar, pasi fillimisht ishte arratisur në Serbi dhe kishte mbërritur në Turqi nëpërmjet Bullgarisë. Policia turke e arrestoi atë në Balikesir pas kërkesës nga autoritetet në Maqedoninë e Veriut. Dhe më 30 prill, gjykata në Turqi miratoi kërkesën e autoriteteve në Shkup për ekstradimin Lupço Palevski Palço, i dyshuari kryesor për vrasjen 14-vjeçare Vanja Gjorçevska dhe të 74-vjeçarit Panço Zhezhovski.
“Nga Republika e Turqisë morëm miratimin për ekstradimin e Loupço Palevskit. Rezultati pozitiv i procedurës vjen pas të gjitha masave dhe aktiviteteve maksimale të ndërmarra nga juridiksioni i Ministrisë së Drejtësisë”, - deklaroi Ministri i Drejtësisë i Maqedonisë së Veriut, Krenar Lloga. Sipas propozimit të Prokurorisë Themelore Publike Shkup, të dyshuarit tashmë i është caktuar masa e paraburgimit, i cili duhet të fillojë të aplikohet menjëherë pasi ai të ekstradohet nga Turqia.
Sondazh
Lexo gjithashtu
