Një ngjarje tragjike ka ndodhur mëngjesin e sotëm në Markopoulo, Greqi, ku një fëmijë 3-vjeçar humbi jetën pas një atentati me armë zjarri. Sipas raportimeve të mediave greke, atentati kishte si shënjestër babain e të miturit, i cili sapo kishte dalë nga burgu.
Ngjarja ka ndodhur rreth orës 10:00, kur autorët e paidentifikuar i bënë pritë automjetit të familjes, duke qëlluar me breshëri plumbash. Një plumb depërtoi në xhamin e pasmë të makinës, duke shkaktuar lëndimin fatal të fëmijës. Më shumë se 20 gëzhoja u gjetën në vendin e ngjarjes.
Mediat greke raportojnë se ky atentat është i lidhur me një konflikt mes dy familjeve, të cilat ishin përfshirë edhe në incidente të tjera me armë zjarri në vitin 2022. Ndërsa motive të plota të këtij atentati ende nuk janë zbardhur, dyshohet se ai është zhvilluar për hakmarrje.
Fëmija u transportua fillimisht në Qendrën Shëndetësore të Markopoulos dhe më pas në spitalin Aglaia Kyriakou, por fatkeqësisht nuk arriti të mbijetojë. Ngjarja ka tronditur komunitetin dhe ka nxitur reagime të forta për dhunën e armëve dhe pasojat e saj tragjike.
Sondazh
Lexo gjithashtu
