Paraditen e sotme janë zhvilluar homazhet në ndërim të nëntetares së rënë në krye të detyrës në Letoni, Zarife Hasanaj.
Përveç familjarëve dhe trupave ushtarake, në Palltin e Kongreseve kanë shkuar edhe figura të rëndësishme të shtetit shqiptar për t’i dhënë lamtumirën e fundit.
Në homazhe ka marrë pjesë: Kryetari i Kuvendit, Gramoz Ruçi; Kryetari i Bashkisë së Tiranës Erion Veliaj i cili ka lënë edhe një shënim për të ndjerën; Ministri i Brendshëm Sandër Lleshaj, Ministrja e Mbrojtjes, Olta Xhaçka e cila e veshur me të zeza dhe me një shirit të zi në krahë ka lënë një shënim të gjatë në nder të Zarife Hasanajt.
Gjithashtu në ceremoninë e homazheve ka qënë i pranishëm Presidenti i vendit , Ili Meta, Gjenerali brigades, Bardhyl Kollçaku, deputeti Taulant Balla. Nga ana e opozitës deri më tani kanë kryer homazhe kreu i PD-së Lulzim Basha i shoqëruar me kryetarin e Bashkisë Kamëz Xhelal Mëziu.
Ndërkohë i pranishëm në homazhet do të jetë edhe kryeminstri i vendit Edi Rama i cili do të mbajë edhe një fjalim të shkurtër në nder të nëntetares.