Kryeministri Edi Rama ditën e sotme ndodhet në Berat, ku po zhvillon një takim me bizneset e vogla.
Rama ka vizituar një biznes dhe pronar i ka shprehur pëlqimin e tij për kryebashkiakun Ervin Demo, i cili ka qenë anëtar i PD, por që ka kaluar te PS.
Rama nuk ka kursyer edhe ironinë duke thënë se PD i ka lënë asetet e saj rrugëve, ndërsa PS i ka marrë dhe po i zhvillon brenda Partisë Socialiste.
Pjesë nga biseda:
Qytetari: Edhe kryebashkiakun që na keni prurë është shumë i zoti
Rama: Ervin Demon, ja morëm PD-së. Po shiko e di si është puna PD-ja i la rrugëve asetet e veta dhe ne ca asete të PD i kemi marrë. I kemi marrë në kohë, i kemi marrë asete nga ato që janë në punë. Këtë e kemi gjet aset në zhvillim, kshu që e morëm dhe tani po zhvillohet tek PS-ja.