Tirana
clear sky
18.5 ° C
18.5 °
18.5 °
55 %
4.1kmh
0 %
Hën
25 °
Mar
25 °
Mër
26 °
Enj
27 °
Pre
23 °
E hënë, 14 Qershor, 2021
spot_imgspot_img

Qytetari e pranon para kamerave: Policët më thanë të mbjell drogë dhe të ndajmë fitimin. Na rrahën dhe thanë se i dhunuam ne (BISEDAT)

spot_img
spot_img

Lajme të ngjashëm

bdbeb507ea31f60bec19a5aa0cec5eac

Teksa e gjithë vëmendja është e shkëputur tek situata e koronavirusit, Emisioni Stop transmetoi rastin e vëllezërve Varfaj në Vranisht të Vlorës, të cilët sipas tyre u dhunuan nga policët në banesën e tyre dhe më pas këta të fundit i denoncuan me pretendimin se ishin dhunuar ata prej vëllezërve.

Njëri prej tyre bëri 3 muaj burg, kurse vëllai tjetër u shpall në kërkim. Ndërkohë gjatë zhvillimit të seancave gjyqësore, njëri nga policët, David Fakaj, nuk përmend asgjë për dhunën e pretenduar ndaj tyre nga vëllezërit, madje thotë se e ka falur dhe largohet nga seanca.

Vëllezërit thonë se i kanë kërkuar prokurores së çështjes, Erida Visoci, që përveç kallëzimit të policëve, të regjistrojë edhe kallëzimin e tyre ndaj punonjësve të policisë, duke bashkuar dy dosjet bashkë. Por prokurorja Visoci nuk ka pranuar dhe ka mbajtur vetëm kallëzimin e policëve.

Inajet Varfaj: Prokuroria që e ka marrë atë si çështje, e ka mbyllur se është detyra e prokurores, duhet të jenë të bashkangjitur çështjet thotë. Duket qartë që ka patur një konflikt thotë. Por që është detyra e prokurores që ka këtë çështje, që kanë bërë kallëzim policët ndaj nesh dhe tani ne ndaj atyre.

Polici, David Fakaj-Për mua është i falur, kaq është i mbyllur muhabeti

Gjyqtarja-Po!

Polici, David Fakaj-Të ka qëlluar, s’të ka qëlluar, atë e di unë…Unë nuk them më ka qëlluar më ka vrarë, unë tashi më ka qëlluar, s’më ka qëlluar, e kam falur, kaq është mbyllur.

Gjyqtarja-Po mund të largoheni ju lutem, n.q.s…!

Polici, David Fakaj-Faleminderit!

Gjyqtarja-Ju jeni?

Mujet Varfaj-Mujet Varfaj!

Gjyqtarja-Prezent! Atëherë Dafil Varfaj ka dijeni nuk është paraqitur. Isa Jacaj shef kabineti nuk është paraqitur. Dakord,  kur do vijojë prokurore seancën?

Mujet Varfaj-Më falni, Isa Jacaj është në kërkim!

Gjyqtarja-Po tani unë them në proçes gjyqësor, këtu. Atëhere nëse e dini, paraqiteni në polici, atëhere në cilësinë e gjyqtares së seancës paraprake, asistuar nga sekretarja gjyqësore Aurela. Dakord jemi me datën dhe sekretaren gjyqësore?

Gjyqtarja-Po është në dëshirën tuaj, nuk është me detyrim, është e drejtë, për  të ndjekur ose jo seancën. Mjetin e identifikimit mund ta marrësh!  Atëherë largohet viktima e çështjes penale, nuk ka dëshirë të ndjeki proçesin gjyqësor, është e drejtë e tij, nuk është me detyrim. Jeni thirrur me cilësinë e viktimës së veprës penale, zoti David.

Polici, David Fakaj-Çdo gjë është e mbyllur, është i fal. Kaq! Dakord?

Mujet Varfaj: Jo, jo, unë vazhdoj gjyqin, ti bëj ç’a të duash! Është e drejta jote, e drejta jote, e drejta ime, e drejta ime. Unë dua të vish në gjyq të ballafaqohemi! Kaq kisha unë!

Gjyqtarja-Kaq ke?

Polici, David Fakaj-Për mua është i falur.

Avokati: Ju ka qëlluar ky ore?

Polici, David Fakaj– Është i falur, është mbyllur ai muhabet.

Por çfarë ka ndodhur me policët disa muaj pas gjyqit? Pikërisht ata punonjës policie dhunuan vëllezërit Varfaj janë arrestuar e shpallur në kërkim për kultivim të kanabisit në të njëjtin fshat. Madje, njëri prej vëllezërve të dhunuar, Mujet Varfaj, tregon për kamerën e Stop se inspektori i zonës që është në kërkim Isa Jaçaj dhe polici tjetër David Fakaj tashmë i arrestuar, i kishin propozuar që të bashkëpunonin në kultivimin e kanabisit.

Sipas tij, i kishin kërkuar që të kultivonte në tokat e tij dhe fidanët ja siguronin vetë policët dhe fitimet do t’i ndanin në mënyrë të barabartë. Por Mujet Varfaj thotë se nuk kishte pranuar. Ky deklarim i tij korrenspondon edhe me aksionin e policisë të zhvilluar disa muaj më parë, kur këta punonjës policie u zbuluan si të përfshirë në rrjetin e kultivimit të kanabisit.

Mujet Varfaj: Më kanë kërkuar të kultivoja bimë narkotike me ta, nuk kam pranuar. Mbaj përgjegjësi për këtë deklaratë. Ka qenë Isa Jaçaj dhe David Fakaj. Më kanë thënë që të bashkëpunonim, 50 me 50, fidanët i kishin ata. I thashë unë nuk merrem me këtë punë. Dhe sikur të merresha…

Gazetari: Si ka mundësi Policia e Shtetit të të ofrojë këtë lloj biznesi të paligjshëm në Shqipëri?

Mujet Varfaj: Po ata për këtë punë janë akuzuar.

Gazetari: Sepse janë kërkim tani?

Mujet Varfaj: Është në kërkim. Po të mos merrej me këtë punë, ai i dilte drejtësisë përpara e të vijë në gjyq. Isa Jaçaj është në kërkim, inspektori i zonës.

Në sallën e gjyqit gjatë seancës për dhunën e pretenduar, Mujet Varfaj i kërkon shpjegime prokurores përse nuk ka bërë kqyrje të vendit të ngjarjes dhe përse nuk ka zbardhur telefonatën e vëllait të tij në numrin e policisë 129 ku i kërkonte ndihmë se po dhunohej nga punonjësit e policisë.

Avokati-Ç’bën ai, për të rrahur të rrahu, në burg të futi…

Mujet Varfaj-Unë jam për të vajt në Hollyëood more, me atë skenar, që bëri, polic me polic tashti. Sesi do vejë, të ndajë dëshmitarët një polic me një polic. Ata pyjeve janë, nga çirren ata t’i paguajë unë, se dhe unë dua të di, ku janë goditur, në rast se janë goditur!

Prokurorja Erida Visoci-Janë goditur, se ka tabela këtu.

Mujet Varfaj-Ju lutem,bëni hetime zonja prokurore!

Prokurorja Erida Visoci-Që e keni rrahur, e keni rrahur, që e keni goditur…

Avokati-Absolutisht jo!

Mujet Varfaj-Ju vetë më thatë, zonja prokurore, ju vetë më thatë në zyrë, kur isha me avokatin,që erdha të merrja telefonin.

Prokurorja Erida Visoci-Ç’a të thashë?

Mujet Varfaj-Që erdha të merrja telefonin, që më thatë, se duket, që nga filmimet, që kanë ardhur.

Prokurorja Erida Visoci-I kemi kqyrur, i kemi marrë.

Mujet Varfaj-Telefonata, që kemi bërë te 129-ta ne, pse s’është zbardh telefonata? Kqyrje të vendit të ngjarjes, pse s’e bëtë?

Më shumë

Lajmet e fundit

spot_imgspot_img
spot_img
spot_img
spot_img