Tirana
few clouds
17.5 ° C
17.5 °
17.5 °
52 %
1.5kmh
20 %
Pre
16 °
Sht
16 °
Die
13 °
Hën
16 °
Mar
16 °
E premte, 2 Dhjetor, 2022

“Qyqa ka kamera këtu, bjere bjere çantën”, zbardhen PËRGJIMET, Rovena Voda mori 1.000 euro, celular dhe arkë me peshk: Nuk e dua iPhone, direkt s’të bëj dot shefe (E PLOTË)

spot_img

Lajme të ngjashëm

Newsbomb.al zbardh përgjimet e Prokurorisë Speciale SPAK, për ish-zv.ministren e Brendshme Rovena Voda dhe dy gra të tjera që ndikojnë për të fituar një vend pune në Ministri. Prokuroria thotë se ka provuar që Voda ka marrë para dhe të mira materiale nga Majlinda Hasani dhe Florida Beu.

Në përgjimet e detajuara, Florida Beu, vajza që kërkon të punësohet në Ministrinë e Brendshme, flet më mamanë e saj dhe i thotë se Rovena Voda i ka pohuar se do ta fuste në punë; shefe nuk e bënte dot direkt por do ta kalonte specialiste në Ministri.

Nga përgjimet del dhe momenti kur Majlinda Hasani dhe Florida Beu flasin për paratë, për shumë 1.000 euro që do t’i japin Vodës, dhe më pas momentin kur ia kanë dhënë. Ish-zv.ministrja i ka marrë me shpejtësi paratë e futura në zarf sepse kishte kamera në ambientin ku ato ndodheshin.

Nga survejimi që hetuesit e SPAK i kanë bërë Rovena Vodës gjatë takimeve me dy shtetaset e tjera të lartpërmendura, Prokuroria thotë se ish-zv.ministrja ka marrë një aparat celular, e ka haapur, pasi e ka para për disa sekonda e ka futur prap në kuti dhe është larguar, bashkë me dhuratën.

Florida Beu dhe Majlinda Hasani teksa bisedojnë me njëra-tjetrën, thonë se Rovena Voda ka pranuar të merrte celularin, por ka thënë se nuk e donte iPhone.

Përgjimet e plota të zbardhura nga newsbomb.al, nga dosja e SPAK:

1- Më datën 15.02.2020, ora 12:28:47 midis shtetasve Florida Beu dhe familjarëve të saj, shtetases Nerënza Beu (e ëma) zhvillohet biseda me përmbajtje si më poshtë:

Florida: Me ato lekët që do më sjellë Gerti do ti blej naj gjë asaj Rovenës, që të paktën ta ndjejë një cikë si detyrim ajo.
Nerenza: Ishalla o zot i madh, dritë ja bëftë edhe asaj zoti.
Florida: I tha pa merak i tha se kjo do ta shpërblej, njëqind herë i tha hajde të dalim për darkë e andej e këndej, e këmi lënë të enjten.
Nerenza: Po çfarë është kjo tani?
Florida: Zëvendësministre.
Nerenza: Tani ca pikë synimi ke ti që të fusi aty?
Florida: Në ministri.
Nerenza: Po ca me u bë? Nuk mund të pyesja dot në telefon unë edhe kështu nuk u ulëm të bënim
Florida: Mjafton të futem se ajo tha , i tha Majlinda unë dua një vënd të mirë për këtë ajo i tha unë direkt për shefe nuk e fus dot po do ta fus specialiste i tha.
Nerenza : Ty të pëlqen kjo?
Florida : Po po mami se futesh në ministri është gjë e madhe të futesh në ministri dhe me Dap, me Dap është ajo që të rregjiostron, futesh me provim ti bën provimin pyetjet ti jep se do ti jap kafen unë, ajo Albana që mori ajo në telefon edhe po u fute aty pastaj se atë tha dhe ajo Rovena mjafton të fusi këmbët se pastaj pas një viti e rrisim në post po vetëm të futet se unë po të kisha pak mundesi e fusja te kabineti im tha.
Nerenza: Po pse?
Florida: Po është ky ministri po janë kështu këto mami që haen me njëri tjetrin e kupton, une do mar Albanën se Albana është shefja di ku ka vënde pune në ministri ajo i vë e mori në telefon atë e la për dje në ora dhjetë edhe tani prandaj nuk du me ju nda unë.
Florida: Tani duhet nai lek me i dhënë asaj Albanës.
Nerenza: Epo kjo si ta bëjmë.
Florida: Se di po më rrin mëndja aty.
Nerenza: Mos ju ndaj Emrijanit o gocë më duhen
Florida: Po duhen pagujt ato.


2- Më datën 25.02.2020, ora 17:31:29 midis shtetasve Florida Beu dhe shtetases Majlinda Hasani zhvillohet biseda me përmbajtje si më poshtë:

Florida: Më ngeli mëndja mos donte më shumë kjo.
Majlinda: Moj ti je budallaqe edhe aq e ka shumë, rri urtë njëherë se po i hyj njëherë ta hap atë kokën ashtu si di vetë.
Florida: Kam hall se mos donte më shumë që të paktën të na vej në një vënd tamam.
Majlinda: Ja thashë unë tashti e do iki prap t’ja them, dëgjo këtu se ajo pesëqindmijë lek do marri do nja dy vjet ti laj këto që do ju japi juve jo vjen PD, PS e heq gocën i them, mos më cani…, rri ti se flas vetë unë e hap gojën mirë.
Florida: Se di sa jepet në këto raste ?
Majlinda : Mirë me e ke edhe dy do i japësh asaj.
Florida: Po pra tamam.
Majlinda: Ti hic.


3- Më datën 26.02.2020, ora 09:09:23 midis shtetasve Florida Beu dhe shtetases Majlinda Hasani zhvillohet biseda me përmbajtje si më poshtë:

Majlinda: Mos harro orën dy moj.
Florida: Nuk harroj moj si do harroj.
Majlinda: Se e duam shpejt ne.
Florida: Ajo tha në ora dy të kujtoj po ca tha për nesërë
Majlinda: Se duhet të aplikoj shpejt.
Florida: Po ca tha për të nesërmen, nesër pastaj hajde më tako.
Majlinda : Hë më thuaj ti ca do ti them, se i them unë.
Florida: Ajo tha më shkruaj nesër mos të harroj. “Rovi mos harro”.
Majlinda : Të premten më tha ajo mua.
Florida: E më tha për të nesërmen hajde në Tiranë. Majlinda: Jo, jo për sot do i shkruj që të takoj ate. Florida: Për sot po pra po për nesër.
Majlinda: Mos do ikshim të takoshim këtë Albanën. Florida: Ose takoje tha ose hajdeni në Tiranë tha flasim
Majlinda: Ashtu do e bëjmë, nga darka nga ora pesë i vemi te zyra neve edhe i themi shiko po qe se ajo futet në ministri në një vënd pune të mirë nuk e lejmë me kaq, mirë.
Florida: Po.”


4- Më datën 26.02.2020, ora 09:36:01 midis shtetasve Florida Beu dhe shtetases Majlinda Hasani zhvillohet biseda me përmbajtje si më poshtë:

Florida: Si tha Rovena dje ma jep në cantë.
Majlinda: Qyqa ka kamera këtu, bjere bjere cantën tha.
Florida: Ajo qe tu thone po bjeri mi kështu ca cante,
Majlinda: Po mi po bjere edhe ashtu mund t’ja jepnim,
Florida : Çantë thotë kjo, atë dite tha vetëm Albanës jepi një kafe se për mua s’ka problem, ndjehem hiles do ketë thënë u këputën në b…..
Majlinda: Po prit mi njëherë se për një llafe një mijë euro se s’po i presim , s’po na bën ministre, gati isha unë të hapja …


5- Më datën 26.02.2020, ora 10:36:05 midis shtetasve Florida Beu dhe shtetases Nerënza Beu (e ëma) zhvillohet biseda me përmbajtje si më poshtë:

Nerenza: Po mirë si do ja bëni tani ,ca tha ajo, mezi e prite?
Florida: O mami këto duan zarfin me lek, se i thashë Majlindës dje.
Nerenza: He.
Florida: O Majlind pa lek nuk të bën njeri gjë.
Nerenza: Ça tha Majlinda? Florida: Po do rrasi pra sot. Nerenza: Ehë.
Florida: Unë i cova një mijë euro, ja futa në zarf, i thashë, tha Majlinda prit njëherë. O Majlinë pa lek nuk të bën njeri gjë i thashë.
Nerenza: Ëhë.
Florida: Mblodha dhe ato që kisha vetë i ashtu i bona një mijë euro kishim fut dy të paktën se është
Nerenza: Është pak
Florida: Itha Majlinda do të bleshim nai gjë i tha.
Nerenza: Po.
Florida: Edhe i futëm një mijë euro neve një zarfi. Nerenza: Ehë.
Florida: Le që e pritëm gjatë gjithë ditës se kishte takime, gjëra. Nerenza: T’ja bëj Majlindës këtë ajo.
Florida: Nuk ka ça të bëj ajo, nuk e ka fajin ajo, ajo ka gjithë ato punë, sa i kërkojnë asaj për punë, mirë dhe kaq, erdhi aty dy sekonda se kishte dhe dy tavolina që e prisnin për takim në pesë mbasdite.
Nerenza: Nga dy në pesë e takove.
Florida: Edhe ishte me të vërtetë sepse shkoj Majlinda te Bashkia i tha Rovenën është në mbledhje i thanë ata, s’është se po gënjente, i tha Majlinda unë akoma s’kam ngrënë as drekë. I tha Majlinda neve donim të të blinim ndonjë gjë dolëm vërdallë, pastaj goca tha ta blej vetë më mirë, këtu ka kamera i tha Majlinda.
Nerenza: Ja dhe, ja dhe?
Florida: Prit pra ta tregoj muhabetin. Nerenza: Hë se s’më rrihet mua.
Florida: Bjere çantën, si edhe çantën direkt ajo edhe Majlinda u habit.
Nerenza: Ua.
Florida: Se e kishte çantën te tavolina tjetër ku ishte ul, i tha ma jep pak çantën direkt nuk bëri rezistencë asnjë moment tha Majlinda nuk donte me dit as për kamera tha kështu që ato duan lek, i thashë Majlindës o Majlinda këto që futëm ne janë pak duhet ti thuash që në fund do kesh dhe një kafe tjetër.
Nerenza: Shumë mirë.
Florida: Edhe tani sot gjasme do ta takoj, i kishte thënë më shkruaj se jam e zënë.
Nerenza: Se si ka ardh mirë , ka dashur më shumë.
Florida: Si ka pa se ishte zarfi i mbyll.
Nerenza: Kur ka vajt në shpi them.
Florida: Tani të shofim ca do bëj, prandaj them që duan lek se pa lek nuk të bën njeri gjë një dy mijë euro duhet t’ja kishim fut, unë ku kam tani ti jap, i tha Majlinda, ajo tjetra do ketë kafe veç, kështu që shko ballë hapur te ajo se do ta ketë veç.
Nerenza: Kush i tha?
Florida: Majlinda pra kësaj se atë tjetrën e ka kap veç demek nuk e ka me këtë taten.
Nerenza: E kuptova
Florida: Duhet lek
Nerenza: Ta kishte dit të kishe marr një mijë euro borxh.
Nerenza: Te ai që merr, Majlinda e t’ja kishe fut dy mijë asaj.
Florida: Majlinda tha edhe një mijë janë shumë po kur pa që e mori ajo, se tha ti fusim një pesëqindëshe.
Nerenza: Ngeli si m.., ti thoshe i di unë këto punë, po tha nai shpresë?
Florida: Do flasim më vonë.
Nerenza: Po ca janë këto, si e ka emrin kjo? Florida: Rovena.
Nerenza: Po mbiemrin?
Florida: Ja harrova. Pa lek mam nuk bën dot gjë. Nerenza: Akoma s’ka kthy përgjigje?
Florida: Jo.


6- Më datën 27.02.2020, ora 17:19:46 midis shtetasve Florida Beu dhe Majlinda Hasani zhvillohet biseda me përmbajtje si më poshtë:

Majlinda: e more vesh ti qe me shkruajti Ravena mua ?
Florida: e pra ate mesazhin qe me solle
Majlinda: eeee, e lexove?
Florida: qe te tha do te te shkruj do te te them ne per oren
Majlinda: i thashe une mbas ores kater se jam ne Tirane une
Florida: e mire ok, se ne atehere e mbaron ti takimin
Majlinda: po, ne ate ore, cke ti te them une pastaj qe te vij te me marresh ti mua aty, …. edhe atje do ti themi qe ne sdo ta lejme me kaq …. atje do ti themi ehe per arken e peshkut… atje do ti themi te gjitha dakort ???


7- Më datën 28.02.2020, ora 17:37:04 midis shtetasve Florida Beu dhe shtetases Majlinda Hasani zhvillohet biseda me përmbajtje si më poshtë:

Florida: Hej po sikur ti sajojmë ato lekët ne se unë kam këtu gjashtëqind dollar këtu thyjmë i bëjmë lek shqiptare.
Majlinda: E hë.
Florida: Shikojmë njëherë sa bën ai samsung që tha kjo se aq janë ato te tetëqind, nëntëqind, pse ta mar me kredi unë, se kismet në fund javë Gerti ishalla më sjell nai një mishe ti ke vels unë që t’ja jap këtij
Majlinda: Prit njëherë,
Florida : T’ja heq se ato për tu dhonë janë, të rri e qetë pastaj.
Majlinda: Goce prit njëherë ato do jepen kur të fillosh punë të kalosh provimin dhe emërohen dakort ë.
Florida: Puna është t’ja japësh para se të mbaroj puna ajo se pastaj thotë do hedhi lumin kjo të q… kalin.
Majlinda: Jo, jo do ja them unë e di ajo po e thashë unë ka vdek ajo punë edhe po se dhe ti e di ajo ja jap nga xhepi im unë.
Florida: A janë për tu dhënë , a do e bëj ajo, ajo do e bëj që do e bëj.
Majlinda: Prit njëherë, ta bëj nuk jepën të gjitha për njëherë, telefonin për “Tetë Mars”, ishte shumë tha ajo e dëgjove, e dëgjove dhe për peshkun që i thashë unë peshk deti të shrenjté.
Florida: E dëgjova, ai me të veretë se një arkë që do i cojmë ne do i them vëllait t’ja bēj tamam i shkon te treqind mijë lek pse ca kujton ti se është lirë.


8- Më datën 28.02.2020, ora 18:01:41 midis shtetasve Florida Beu dhe shtetases Majlinda Hasani zhvillohet biseda me përmbajtje si më poshtë:

Florida: Unë të thashë ty do na duhet mos ta lejmë kështu, he kur të bësh punën se sa i dhame një mishen shkoj me vrap ajo atje.
Majlinda: Shumë keni dhënë.
Florida: Kështu që prandaj thashë unë.
Majlinda: E… te “Rogner”.
Florida: Telefonin e du tha ajo nuk dua iPhone, dua këtë”.
Majlinda: S’du me Albanën tha.
Florida: Edhe Albanës jo tha vetëm me mua me demek mi jepni mua ato që deshët me i dhënë Albanës.
Majlinda: Në rregull, i thashë unë neve ty duam ti japim.
Florida: Ajo e tha troç.
Majlinda: Edhe arkën e peshkut do ja cojmë.
Florida: Po, dy, jo një.

Më poshtë dhe faksimilet, dosja e plotë e SPAK në ngarkim të R.Vodës, M.Hasani dhe F.Beu

Vijon…

Më shumë




spot_img








spot_img