Qeveria shqiptare ka miratuar dhënien e një pakete tjetër ndihme financiare për të prekurit nga kriza ekonomike e shkaktuar nga pandemia e koronavirusit.
Bëhet fjalë për 5,191 paga të ashtuquajtura “lufte” që do t’i përfitojnë punonjësit dhe të larguarit nga puna në sektorin e Transportit Rrugor të Udhëtarëve.
Lajmin e bën me dije kryeministri Edi Rama përmes një postimi në Facebook, ku sqaron se efekti financiar prej 134,966,000 Lekë mbulohet nga fondi rezervë i DPSHTRR.
Postimi i plotë i Ramës:
SOLIDARITET për sektorin e Transportit Rrugor të Udhëtarëve për lehtësimin e pasojave nga vonesa e detyruar e nisjes së aktivitetit në muajin qershor
QEVERIA SHQIPTARE miraton:
+5,191 Paga Lufte për punonjësit dhe të larguarit nga puna për Qershorin 2020!
Efekti financiar prej 134,966,000 Lekë mbulohet nga fondi rezervë i DPSHTRR!
Falë mirëadministrimit, rezultateve rekord të 2019-ës dhe përgjegjësisë shembullore sociale të DPSHTRR-së, mundësohet mbështetja e dytë për sivjet nga DPSHTRR për sektorin e transportit të udhëtarëve me autobus (pas kompensimit të taksës vjetore TVMP)