Qeveria ka ndryshuar këtë të martë buxhetin për agjencinë shtetërore të Kadastrës për vitin 2023, duke shtuar 4,5 milionë euro fonde për shpenzimet e pagave të personelit.
Në vendimin e Fletores Zyrtare për buxhetin e ASHK, parashikohet që totali i të ardhurave të kadastrës për periudhën janar-dhjetor 2023 pritet të shkojë në 301,2 milionë lekë, ndërsa shpenzimet të rriten në 237,1 milionë lekë.
Nga totali i shpenzimeve shtesë për Kadastrën, parashikohet që 489,4 milionë lekë të shtohen për shpenzimet e punonjësve në agjenci, ndërsa shpenzimet kapitale ulen në 79 milionë lekë dhe për projektin e qendërs së kadastrës dixhitale, shpenzimet pritet të reduktohen me 3,9 milionë lekë.
Sipas Monitor, fondi i shpenzimeve për pagat e personelit me kontratë do të rritet me 20% dhe sipas këtij ndryshimi, buxheti i këtyre pagave do të shkojë në 722,3 milionë lekë nga 602,5 milionë lekë.
