Ditën e sotme qeveria ka emëruar drejtorin e ri të Përgjithshëm të Agjencisë Shtetërore për Shpronësimin.
Sipas vendimit tani e tutje këtë pozicion do ta mbajë Erlis Hereni.
Ky i fundit ka qenë këshilltari i ish-ministrit të Brendshëm Saimir Tahiri.
Vendimi i plotë:
Në mbështetje të nenit 100 të Kushtetutës dhe të pikës 3, të kreut III, të vendimit nr.395, datë 13.5.2020, të Këshillit të Ministrave, “Për mënyrën e organizimit e të funksionimit të Agjencisë Shtetërore për Shpronësimin”, me propozimin e ministrit të Infrastrukturës dhe Energjisë, Këshilli i Ministrave
V E N D O S I:
Z. Erlis Hereni emërohet drejtori i Përgjithshëm i Agjencisë Shtetërore për Shpronësimin.
Ky vendim hyn në fuqi menjëherë dhe botohet në “Fletoren zyrtare”.