Hapësire reklamuese

Aktualitet

Qëlluan me armë zjarri drejt berberhanes në Fier, arrestohet dhe autori i dytë

Shkruar nga Newsbomb
Qëlluan me armë zjarri drejt berberhanes në Fier, arrestohet dhe

Policia e Fierit ka arrestuar edhe autorin e dytë të përfshirë në ngjarjen e ndodhur tre ditë më parë në fshatin Fermë Çlirim të Fierit.

Në pranga ka rënë shtetasi Geraldo Hoxhaj (Mahmutaj) 22, i cili së bashku me shtetasin N. M. (M)., 22 vjeç, i cili u arrestua nga Policia, një ditë më parë, qëlluan me arnë drejt një berberhane.

Personat në fjalë akuzohen për veprat penale "Vrasja me dashje", mbetur në tentativë, kryer në bashkëpunim dhe "Prodhimi dhe mbajtja pa leje e armëve të zjarrit dhe municionit luftarak".

Të dy të rinjtë pas një konflikti me shtetasin  E. K., 30 vjeç, kanë marrë armën dhe kanë qëlluar drejt berberhanes duke tentuar të vrasin 30-vjeçarin.

Njoftimi i policisë së Fierit:

Finalizohet një tjetër episod i megaoperacionit “Sundimi i ligjit”, për kapjen e shtetasve të shpallur në kërkim.

Tentoi të vriste një 30-vjeçar, duke qëlluar me armë zjarri, drejt biznesit (berberhane) ku ai po merrte shërbim, kapet dhe vihet në pranga 33-vjeçari.

Sekuestrohet arma e zjarrit pushkë.

Pas kësaj ngjarjeje të ndodhur më datë 23.12.2023, në fshatin Fermë Çlirim, për shkak të një konflikti të mëparshëm, për motive të dobëta, Policia arrestoi bashkëpunëtorin e 33-vjeçarit.

Si rezultat i veprimeve intensive operacionale të kryera në kuadër të megaoperacionit “Sundimi i ligjit”, menjëherë pas ngjarjes së ndodhur më datë 23.12.2023, në fshatin Fermë Çlirim, ku në drejtim të një biznesi (berberhane), u qëllua me armë zjarri, shërbimet e Komisariatit të Policisë Fier, në bashkëpunim me specialistët për Hetimin e Krimeve të DVP Fier, kapën dhe ndaluan shtetasin e shpallur në kërkim G. H. (M)., 33 vjeç, banues në fshatin Fermë Çlirim.

Pas një konflikti të mëparshëm, për motive të dobëta, me shtetasin E. K., 30 vjeç, ky shtetas ka qëlluar me armë zjarri pushkë, në drejtim të një biznesi (berberhane), në momentin kur në këtë biznes, po merrte shërbim 30-vjeçari. Nga veprimet e shpejta hetimore ka rezultuar se bashkëpunëtor për këtë rast ka qenë shtetasi N. M. (M)., 22 vjeç, i cili u arrestua nga Policia, një ditë më parë.

Në cilësinë e provës materiale, u gjet dhe u sekuestrua arma e zjarrit pushkë me të cilën qëlloi 33-vjeçari.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprat penale "Vrasja me dashje", mbetur në tentativë, kryer në bashkëpunim dhe "Prodhimi dhe mbajtja pa leje e armëve të zjarrit dhe municionit luftarak".

Sondazh

Poll

Lexo gjithashtu

Hapësire reklamuese