Hapësire reklamuese

Rajoni

Qëlluan me armë të rinjtë në Athinë, ja dëshmia e një prej shqiptarve të arrestuar

Shkruar nga Newsbomb

Ngjarja ka ndodhur dy ditë më parë, ku dy shqiptarët të identifikuar si Nardi Idrizi dhe Emiliano Jakupi kanë qëlluar me armë zjarri 3 të rinj nga Kreta në Athinë.

Mediat greke kanë zbardhur sot dëshminë e 33-vjeçarit shqiptar Emiliano Jakupi, i vetëdorëzuar pas plagosjes së tre të rinjve.

Jakupi akuzohet për bashkëpunim në tentativën e vrasjes edhe pse thjesht ka qëlluar me shpullë një nga tre të plagosurit, para se shoku i tij t’i qëllonte me armë.

Dëshmia e 33-vjeçarit Emiliano Jakupi:

“37-vjeçarin Nardi Idrizi alias Fatbardh Idrizi e kam takuar një vit më parë në Athinë, jemi miq të ngushtë prej 7 muajsh. Kontakti i parë ka ndodhur në një kafe të zonës në “Agios Pavlos” në qendër. Sa herë që më ftonte për ushqim apo pije shkoja me të.

Nuk e dija se kishte precedentë të rëndë penalë, as emrin nuk ia dija si duhet pasi më është prezantuar ndryshe. Unë e njihja me tjetër emër. Të shtunën mbrëma më telefonoi në 02:00 të mëngjesit isha duke fjetur, por nuk më bëri përshtypje, sepse 37-vjeçari ishte divorcuar 2 muaj më parë dhe ishte i çmendur pasi e kishte lënë e dashura e tij shumë e re.

Më pas 33-vjeçari ka vazhduar duke thënë se Idrizi i kishte treguar se nuk ishte mirë dhe se donte të shkonte diku për pije.

Ai më tha nuk jam mirë dhe dua të shkoj diku për një pie. I thashë se jam shumë i lodhur, punoj në mëngjes dhe kam probleme me mesin, marr ilaçe dhe nuk mund të pi. Nuk mund të dal nga shtëpia tani, nuk kam makinë. Pastaj më tha çohu, bëhu gati dhe do vij në Melissia të të marr. Vërtet ka ardhur me makinë, më ka marrë në telefon dhe më ka thënë që arrita dhe po të pres. U vesha shpejt dhe shkova.

Ai nuk ishte vetëm në makinë. Ishte një person tjetër që nuk e njihja. Shkuam në një lokal në “Kolonaki”. Unë piva një pije dhe 37-vjeçari kishte pirë rreth një duzinë. Pastaj i thashë ikim, se koha kalonte dhe nuk duroja dot më.

Në fakt, e pyeta nëse mund të më çonte në shtëpi apo mund të merrja një taksi dhe të shkoja vetëm. Përveç kësaj, për shkak të ilaçeve që marr, nuk më bën mirë të pi alkool. Më tha të shkoja të pimë një pije në “Gazi” dhe pastaj direkt nga rruga “Atiki” të më çonte në shtëpi dhe që të mos i prishja hatrin, pranova dhe shkova për një pije tjetër. Në “Gazi” vazhdoi të pinte dhe unë piva gjysmë.

Kur dolëm nga lokali, i dehur ai nuk mundi ta drejtonte makinën. Ai sheh një piceri përballë lokalit dhe më thotë uluni në makinë që të marr një picë për të ngrënë.

Personi tjetër që ishte me ne u largua sepse ishte i vogël dhe nuk mundi më, kështu që ai dhe unë qëndruam. U kthye me picën në dorë dhe e hëngri në makinë. Para se të mbaronte ushqimin ai shkoi përpara dhe ndezi makinën. Pak më para se kishte rënë shi dhe për shkak se makina ishte e madhe, ajo u fut në një pellg me ujë dhe lagu grupin e të rinjve që ndodheshin në trotuar.

Në dëshminë e tij Emiljano tregon se :

Njëri nga të rinjtë u kthye dhe i tha Çfarë po bën ore ... Ai kishte një shishe në dorë dhe ia hedh. Xhami i makinës ishte ulur dhe 37-vjeçari u zemërua. Ndaloi xhipin dhe u ndalën edhe makinat e tjera që ishin pas nesh. Zbret poshtë dhe e pyet “Kujt i the...ore”. Unë gjithashtu zbres në përpjekje për ta mbajtur. Pastaj një nga të rinjtë i tha në rregull nuk të thashë ti …. Ai thotë "ok" dhe kthehet për të shkuar te makina. Në atë moment vijnë dy vëllezërit nga Kreta, më afrohen dhe më pështyjnë në fytyrë. Instinktivisht e godas me shuplakë dhe më pas djali tjetër e godet me grusht 37-vjeçarin. Më pas gjërat kanë dalë jashtë kontrollit dhe 37-vjeçari ka nxjerrë një armë dhe i ka qëlluar. Nuk e dija që mbante armë me vete. Ai kthehet dhe më thotë të hipi në  makinë të ikim. Isha i trembur. Nuk i thashë asgjë. Kisha ndjesinë se po t'i tregoja diçka, do më kthehej edhe mua. Sapo hipa në xhip, volla dhe gjithçka që i thashë ishte të shkonim në Polici të dorëzoheshim. Ai nuk po fliste. Ai vetëm tha do të të çoj në shtëpi.

Më la dhe u zhduk. Sapo shkova në shtëpi, fillova të telefonoja avokatin tim. Biseduam dhe më në fund vendosa me të që të vija në Drejtorinë e Policisë dhe të dorëzohesha.

Mediat greke iu drejtun avokatit Stamatias Markou, i cili theksoi se klienti im është i dërmuar nga plagosja e tre të rinjve dhe është i tronditur, ai akuzohet për bashkëpunim të thjeshtë në veprën e vrasjes së mbetur në tentativë. Ai deklaron se ky zhvillim tragjik i një episodi verbal ka qenë rezultat i një personi tjetër dhe jo i tij.

Klienti im as e dinte ekzistencën e armës në makinë dhe as nuk mund ta imagjinonte ekzistencën e saj. Duhet theksuar se në orën 02:15 të mëngjesit është kontrolluar drejtuesi dhe mjeti i tij dhe nuk është gjetur arma. Në atë kohë klienti im nuk e kishte takuar shoferin. Ai vetë do të kërkojë pyetjen e kryqëzuar, në mënyrë që ata vetë të konfirmojnë pretendimet e tij.

Ndërkohë policia vazhdon kërkimet intensive për kapjen e 37 vjecarit Nardi Idrizi alias Fatbardh Idrizi.

[caption id="attachment_767657" align="alignnone" width="393"] Emiliano Jakupi[/caption]

[caption id="attachment_767689" align="alignnone" width="776"] Nardi Idrizi alias Fatbardh Idrizi[/caption]

Sondazh

Poll

Lexo gjithashtu

Hapësire reklamuese