Një shqiptar është plagosur me armë zjarri mbrëmjen e sotme në Greqi.
Sipas raportimit të medieve greke ai është qëlluar nga një person i paidentifikuar, ndërsa ka marrë plagë të rënda në trup.
I plagosuri, identiteti i të cilit ende nuk bëhet me dije, është dërguar menjëherë në spitalin “Papageorgiou” në Selanik për të marrë ndihmën e parë.
Policia ka mbërritur në vendngjarje dhe pas disa orë kërkimesh ka bërë të mundur arrestimin e autorit. Ende nuk bëhen me dije motivet dhe rrethanat e plagosjes së shqiptarit.