Kancelarja gjermane Angela Merkel i ka hapur rrugën ëprdorimit të vaksinës ruse “Sputnik V”, nëse ajo pranohet nga Agjencia Europiane e Barnave.
Merkel u shpreh se në një bisedë telefonike me presidentin rus Vladimir Putin, ai e kishte siguruar për efikasitetin e vaksinës.
“Kushdo që aplikon në Agjencinë Evropiane të Barnave (EMA) për miratim është i mirëpritur. Unë bisedova me Presidentin rus pikërisht për këtë. Ne shënuam të dhënat e mira për vaksinën ruse. Çdo vaksinë është e mirëpritur në Bashkimin Evropian, por vetëm ato që sjellin të dhënat e nevojshme nga EMA do të aprovohen”, tha Merkel.
Vaksina e Sputnik V konsiderohet me efikasitet 91%, ndërsa deri më tani është aprovuar në 16 shtete.