Moderatorja Rudina Magjistari këtë fillim muaji ka nisur pushimet me familjen e saj.
Ajo ndodhet në Sarandë dhe përmes rrjeteve sociale ka ndarë me ndjekësit foto nga vendi turistik. Rudina tregon se vajza e saj Mia po e viziton Butrintin për herë të parë, dhe në foto duket shumë e gëzuar.
Mirëpo si rrallëherë dhe pas shumë kohësh, moderatorja ka publikuar edhe foto me bashkëshortin e saj, Xhavit Bajrami.
Ajo është e rezervuar përsa i përket jetës private, por sot ka zgjedhur që ta thyejë "heshtjen". Në Instagram ajo publikon më shumë foto të jetës profesionale, ndaj fotot e fundit kanë tërhequr vëmendjen e ndjekësve, të cilët nuk kanë nguruar të japin pëlqime dhe komente pozitive.
Ata të dy shfaqen të qeshur në foto teksa krah postimit Rudina ka publikuar një zemër.