Një punonjës i ndërmarrjes së komunales, Bashkia Patos, është paraqitur në Policinë e Fieri dhe ka bërë kallëzim se është dhunuar fizikisht nga shefi i tij. Referuar njoftimit zyrtar, bëhet me dije se 55 vjeçari Bato Dalipaj është rrahur pasi nuk ka pranuar të firmosë një formular.
Specialistët për Hetimin e Krimeve të Komisariatit të Policisë Fier kanë njoftuar menjëherë Prokurorinë e Fierit dhe në prani të oficerëve të Policisë Gjyqësore, shtetasit Bato Dalipaj po i merret dëshmia në lidhje me rrethanat e ngjarjes, si dhe po kryhen të gjitha veprimet procedurale.
[caption id="attachment_694329" align="alignnone" width="1001"]
Punonjesi i dhunuar, Bato Dalipaj[/caption]
Më herët, gjatë pasdites së sotme deputeti demokrat Luan Baçi ka denoncuar në media se Bato Dalipaj është dhunuar për një formular votash. Sipas 55 vjeçarit të dhunuar, shefi Petrit Pëllumbi i ka kërkuar të firmosë për votat e anëtarëve të familjes dhe pasi Dalipaj nuk ka pranuar, është rrahur me grushte e shkelma.
Patos, Fier/Informacion paraprak
Rreth orës 16:10, shtetasi B. D., 55 vjeç (punonjës i ndërmarrjes së komunales, bashkia Patos), është paraqitur në Komisariatin e Policisë Fier, për të bërë kallëzim, duke pretenduar se në ambientet e punës, eprori i tij, shtetasi P. P. ka ushtruar dhunë fizike ndaj tij, për shkak nuk ka pranuar të plotësojë një formular.
Specialistët për Hetimin e Krimeve të Komisariatit të Policisë Fier kanë njoftuar menjëherë Prokurorinë pranë Gjykatës së Rrethit Gjyqësor Fier, dhe në prani të oficerëve të Policisë Gjyqësore, shtetasit B. D. po i merret dëshmia në lidhje me rrethanat e ngjarjes, si dhe po kryhen të gjitha veprimet procedurale.
Ndërkohë, vijojnë veprimet hetimore për sqarimin e plotë të rrethanave të këtij rasti. Në përfundim të veprimeve procedurale, materialet hetimore do t'i referohen Prokurorisë pranë Gjykatës së Rrethit Gjyqësor Fier.
Sondazh
Lexo gjithashtu
