Deputeti Halit Valteri ka folur pasi ka dalë nga SPAK ku u thirr pasi ditën e djeshme në Kuvend publikoi pamjet e atentatit ndaj prokurorit Ndoja, në të cilin mbeti i vdekur shoferi Andi Maloku.
Valteri në dale të SPAK tha se u thirr në mënyrë që të sqarojë të gjitha detajet, ndërsa shtoi se pjesa tjetër i mbetet prokurorisë.
“Nuk do komentoj as edhe një gjë. Të gjitha deklaratave të mia që kam bërë në foltore dhe në intervistë që kam dhënë, u qëndroj, ato deklarat janë publike... Atë se vendos unë as ju po prokurori i çështjes.
Këtu erdha për të sqaruar të gjitha detajet për të mos lënë asnjë fije dyshimi. Këtu është baza e shtetit. Nëse kjo zbatohet shkon gjithçka në rregull”, tha Valteri në dalje të SPAK.
Kujtojmë se Valteri tha se videon ia vuri në dispozicion babai i shpferit të vrarë, Genci Maloku, për të cilin thotë se e ka takuar rastësisht në një lokal.