Një turist rus që bëri një foto gjysmë nudo në një vend të shenjtë në Bali, do të deportohet nga Indonezia pasi fotografia u bë virale në internet.
Turisti, i identifikuar si Yuri, ndau një foto të tij gjysmë të zhveshur në malin Agung, pika më e lartë në ishullin indonezian. Banorët e zonës mendojnë se mali Agung, përfaqëson perëndinë Shiva dhe për këtë kërkohet një leje për këdo që dëshiron të ecë në të.
Pas kësaj turistiu rus e hoqi “foton ofenduese” nga Instagramii tij, duke e zëvendësuar me një video ku ai kërkon falje. “Nuk ka asnjë justifikim për veprimet e mia.
“E vetmja gjë që çoi në atë që ndodhi ishte injoranca ime personale”, ka shkruar ai në postim.
“Pasi studiova kulturën dhe fenë e Balit, kuptova gabimin tim. Agung është një simbol i shenjtë për balinezët. Shiva shkatërron universin në një rreth të vazhdueshëm rilindjesh. Vendasit i nderojnë perënditë dhe besojnë se nëse i zemëroni, do të ndodhë një shpërthim vullkani. Dhe kjo do të çojë në shkatërrimin e ishullit.”, shtoi turisti.