Trupa të kompozuar të shtrirë në tokë dhe disa karta indetiteti gjysmë të djegura, kjo është gjithçka që ka mbetur nga masakra e janarit të 2021 afër Mahibere Dego.
Sipas mediave të huaja bëhet me dije se fshatarët e asaj zone zbuluan trupat e të dashurve të tyre gjashtë muaj pasi forcat ushtarake etiopiane i rrëmbyen dhe më pas i vranë ata.
Gjatë një hetimi të zhvilluar nga CNN në prill të 2021, në bashkëpunim me Amnesty International, ekzaminuan videon e masakrës së janarit dhe përdorën teknikat e vendodhjes për të verifikuar videon, ku dhe më pas zbuluan se të paktën 11 persona të paarmatosur u ekzekutuan dhe 39 të tjerë u zhdukën.
Kjo video ishte filmuar nga një telefon celular nga një ushtar i ushtrisë etiopiane. Në videon e publikuar shihet qartë momenti i ekzekutimit të disa burrave të paarmatosur, teksa ushtarët bërtasin dhe qeshin.
Këto pamje menjëherë u shpërndanë dhe bënë xhiron në të gjithë rrjetin, mirëpo zyra e Kryeministrit etiopian hodhi poshtë të gjitha hetimet dhe gjetjet e CNN duke thënë se: Postimet dhe pretendimet e mediave sociale nuk mund të merren si prova.
Gjashtë muaj pas sulmit, dy persona në Mahibere Dego thanë për CNN se kishin gjetur kartat e indetifikimit të 36 personave që u vranë, mirëpo 37 persona të tjerë mbeten ende të zhdukur, duke treguar kështu që numri i masakrës mund të ketë qenë dyfish më i lartë se sa u raportua në fillim.