Tirana
clear sky
27.5 ° C
27.5 °
27.5 °
61 %
3.1kmh
0 %
Pre
27 °
Sht
38 °
Die
41 °
Hën
40 °
Mar
39 °
E premte, 30 Korrik, 2021

Publikimi i raportit të PS nga Newsbomb, analisti Krasniqi: Duhet t’i jemi falenderues! Për ekspertët e zgjedhjeve është një produkt profesional i mirëpritur

spot_img
spot_img

Lajme të ngjashëm

Analisti Afrim Krasniqi thotë se raporti i publikuar dje nga Newsbomb.al, për analizën e zgjedhjeve në Qarkun e Vlorës nga Partia Socialiste, është për ekspertët e zgjedhjeve një produkt profesional i mirëpritur sepse paraqet një provë të analizës politike dhe statistikore, që zakonisht u mungon partive dhe publikut.

“Portali newsbomb.al ka publikuar dje një raport të detajuar të analizës politike dhe elektorale të PS-së për qarkun Vlorë. Dokumenti është për përdorim të brendshëm të një partie politike, autorët e tij mund të jenë modele negative për standardet zgjedhore në Shqipëri, por pavarësisht nga kjo, pas publikimit ai merr vlerë tjetër dhe Newsbomb-it duhet t’i jemi falenderues”, shkruan Krasniqi.

Dokumenti është edhe një “dhuratë” për PD, vijon analisti, ndërsa thekson se në këtë parti analiza të tilla ka vite që nuk bëhen.

Lexo edhe: Damiani “shkakton TËRMET” në PS: Pse humbëm vota! Njerëzit që punuan për vota personale; të ndryshojë Bashkia; 118 të deleguar dështuan, ja ku humbëm (RAPORTI I PLOTË)

“Dokumenti është një mesazh dhe një “dhuratë” sidomos për opozitën,(PD), për të kuptuar sesi bëhet duhet bërë një analizë post elektorale dhe sesi ajo duhet të kishte vepruar përpara vajtjes tek procesi zgjedhor i brendshëm i 13 qershorit. Analiza të tilla kanë vite që nuk bëhen në PD”, shton ai.

Shënimi i plotë i Afrim Krasniqit:

Portali newsbomb.al ka publikuar dje një raport të detajuar të analizës politike dhe elektorale të PS-së për qarkun Vlorë. Dokumenti është për përdorim të brendshëm të një partie politike, autorët e tij mund të jenë modele negative për standardet zgjedhore në Shqipëri, por pavarësisht nga kjo, pas publikimit ai merr vlerë tjetër dhe Newsbomb-it duhet t’i jemi falenderues.

Për ekspertët e zgjedhjeve dokumenti është një produkt profesional i mirëpritur sepse paraqet një provë të analizës politike dhe statistikore, që zakonisht u mungon partive dhe publikut. Për ekspertët e politikës disa teza dhe dëshmi të këtij dokumenti kanë vlerë referuese (analiza e faktorëve politikë, mbipushteti real i partive politike, argumentet pozitive dhe kritike, roli i komuniteteve lokale, sistemi i patronazhistëve, raporti parti – administratë, raporti pushtet qendror dhe lokal, raporti zgjedhës – militantë, raporti mbi përdorimin e burimeve shtetërore në fushatë, etj).

Dokumenti lë të kuptohet se fushata reale elektorale ka nisur 6-9 muaj përpara datës së zgjedhjeve dhe  se rezultati në këtë qark ( 8 x 4) nuk përbën surprizë për PS-në pavarësisht rënies së ndjeshme të numrit të votuesve.

Dokumenti është një mesazh dhe një “dhuratë” sidomos për opozitën,(PD), për të kuptuar sesi bëhet duhet bërë një analizë post elektorale dhe sesi ajo duhet të kishte vepruar përpara vajtjes tek procesi zgjedhor i brendshëm i 13 qershorit. Analiza të tilla kanë vite që nuk bëhen në PD.

Së fundi, qytetari i qarkut Vlorë e ndjen veten një numër formal pa zë dhe respekt në këtë dokument, por në thelb, të gjitha partitë i trajtojnë qytetarët si numra, sidomos në fushata elektorale, ndaj më shumë ai ka analiza statistikore të kontrollit mbi qytetarin sesa analiza programore dhe të sjelljes së votuesve ndaj premtimeve.

Si i tillë ai mbetet një dëshmi serioze, e besueshme dhe konsensuale e sistemit të patronazhimit politik, e sistemit të emërimit të deputetëve, e kontrollit total të periferisë nga Tirana, e përdorimit të shtetit në funksion elektoral dhe e pafuqisë së partive politike për të propozuar dhe respektuar një kontratë besimi dhe konkrete mirëqeverisje me qytetarët.

Raporti i plotë të analizës… by Newsbomb Albania

Më shumë

spot_img
spot_img