Hapësire reklamuese

Rajoni

Publikimi i “non-paper” për kufijtë, Presidenti i Sllovenisë nesër do të takohet me Vjosa Osmanin

Shkruar nga Newsbomb
Publikimi i “non-paper” për kufijtë, Presidenti i

Presidenti i Sllovenisë, Borut Pahor pritet të zhvillojë një vizitë zyrtare ditën e nesërme në Kosovë. Lajmi është konfirmuar nga këshilltari për media i presidentes Vjosa Osmani, i cili thotë se presidenti slloven do të takohet me Osmanin.

"Presidenti slloven, Borut Pahor do të arrijë nesër në Prishtinë, dhe do të ketë takim me presidenten e Kosovës, Vjosa Osmani”, tha këshilltari Bekim Kupina.

Presidenti i Sllovenisë, Borut Pahor do të udhëtojë në Kosovë pas publikimit të disa dokumenteve “non-paper” që supozohet të kenë dalë nga shteti slloven, konkretisht zyra e kryeministrit Janez Jansha.

Megjithatë presidenti slloven, Borut Pahor kishte folur edhe më herët lidhur me “non-paper” në një konferencë për media para gati një muaji.

“Kudo dhe në çdo kohë kam mundësinë të shpjegoj pozicionin tim në lidhje me zgjerimin e Bashkimit Evropian në Ballkanin Perëndimor, unë shpjegoj sa vijon. Së pari, unë mbështes fuqimisht zgjerimin e BE-së në vendet e Ballkanit Perëndimor. Së dyti, zgjerimi i BE-së me vendet e Ballkanit Perëndimor është një çështje gjeopolitike e kategorisë së parë. Së treti, unë mbështes tezën se, në të gjitha rrethanat, do të ishte më mirë nëse BE vendos të përfshijë të gjitha vendet e Ballkanit Perëndimor në BE në një kohë të shkurtër të arsyeshme dhe të rregullojë strategjinë e saj të zgjerimit në përputhje me rrethanat. Së katërti, zgjerimi i BE-së në vendet e Ballkanit Perëndimor po bëhet gjithnjë e më shumë çështje kohe, jo vetëm e vullnetit politik. Së pesti, zgjerimi më i shpejtë i BE-së në Ballkanin perëndimor do të zvogëlojë gjithashtu rëndësinë e ideve naive dhe të rrezikshme për ndryshimin e kufijve që nuk mund të ndodhin paqësisht për shkak të rrethanave. Unë i hedh poshtë të gjitha ato ide për ndryshimin e kufijve. Së gjashti, një proces më i shpejtë i përfshirjes së vendeve të Ballkanit Perëndimor do të forconte ndjeshëm parimin e integritetit territorial të shteteve, të zgjidhte çështjet e tyre bilaterale dhe të forconte ndjeshëm stabilitetin e rajonit dhe të gjithë Evropës”, tha asokohe Pahor në një konferencë për media.

Lexo gjithashtu

Sondazh

Poll