Në përfundim të mbledhjes së qeverisë sot, kryeministri Edi Rama është pyetur mes të tjerave se përse po heziton presidenti Bajram Begaj, në dekretimin e Vlora Hysenit në krye të SHISH.
Rama iu shmang pyetjes, duke thënë se ishte aty sot vetëm për të folur për rritjen e pagave dhe të ekonomisë së vendit, ndërsa të tjerat i ka cilësuar si “thasheme katuni”.
Pyetje: A keni informacion pse Begaj po heziton të dekretojë emrin që ju i keni propozuar në krye të SHISH, duke referuar dhe një takimi të fundit me Albin Kurti, a keni marrë informacion pse është shkarkuar nga detyra?
Rama: Nga unë do të dëgjoni, mësohuni të dëgjoni vetëm pagat, pagat, ekonomia, ekonomia, mirëqënia e njerëzve dhe transformimi i përgjithshëm dhe modernizimi i vendit tonë. Kurse këto pastaj thashethemet e katunit tonë politik dhe mediatik i kemi bërë bashkë për shumë vite nuk kam as energji, as nevojë dhe as kohë.