Partia Socialiste ka ndezur motorët për zgjedhjet lokale të 14 majit. Kryeministri Edi Rama mbrëmjen e sotme ka mbledhur kryesinë e partisë pranë ambienteve të selisë.
Mësohet se në fokus të këtij takimi do të jenë zgjedhjet vendore të cilat do të mbahen pranverën e vitit të ardhshëm.
Deri më tani nga ana e PS i vetmi që është deklaruar publikisht që nuk do të jetë në kandidim është kryebashkiaku i Vlorës Dritan Leli.
Ndërsa, më herët ka qenë vetë Rama i cili bëri me dije se kryetari i Bashkisë së Tiranës, Erion Veliaj do të kandidojë sërish për kryqytetin.