Hapësire reklamuese

Politikë

PS dhe opozita bëhen bashkë në Kuvend, votojnë pro ngritjes së Komisioneve Hetimore

Shkruar nga Newsbomb
PS dhe opozita bëhen bashkë në Kuvend, votojnë pro ngritjes

Pas 5 muajsh kaos, debate dhe përplasje ditën e djeshme seanca plenare u zhvillua në kushte normale, ku u diskutuan pikat e rëndit të ditës dhe më pas u kalua në votim. Seanca zgjati 12 orë, ndërsa në fund Partia Socialiste dhe opozita u bënë bashkë dhe ngritën kartonët jeshil, për ngritjen e dy komisioneve hetimore.

Në Kuvend u votua me 95 vota pro dhe një abstenim për ngritjen e komisionit hetimor për Shërbimin Publik të Sterilizimit dhe Shërbimit Publik të Check-Up në Shëndetësi.

Komisioni Hetimor për Trajtimin e të Dhënave të Sistemit TIMS u miratua me 96 vota pro 1 abstenim. Nuk ka pasur asnjë kundër ndërsa 40 deputetë të pranishëm nuk votuan.

Po ashtu në këtë seancë u votua me 71 vota dhe 23 kundër aktit normativ "Për disa ndryshime në ligjin nr. 97/2023, “Për buxhetin e vitit 2024” . Me rishikimin që ka pësuar buxheti i shtetit qeveria ka shtuar me 7.9 miliardë lekë pritshmëritë për të ardhurat dhe me 6.7 miliardë lekë shpenzimet, ndërsa për Portin e Durrësit këtë vet është parashikuar një fond prej 98 milionë eurosh, nga 385 milionë gjithsej.

“Okey” mori edhe Projektligj” Për sigurinë kibernetike”, e cila u miratua me 74 vota pro, 22 kundër. E teksa janë miratuar projektligjet e kundërta ka ndodhur me kërkesën e Jorida Tabakut, pasi është votuar kundër për dy amendamentet për sigurinë kibernetike.

Projektligj  “Për disa shtesa dhe ndryshime në ligjin nr.33/2021 “Për Gardën e Republikës së Shqipërisë” u miratua me 72 vota Pro, 22 kundër, asnjë abstenim!.

Po ashtu projektvendim “Për miratimin e disa ndryshimeve në vendimin e Kuvendit nr. 43/2017 “Për miratimin e strukturës dhe organikës së Autoritetit të Konkurrencës””, i ndryshuar u miratua me 74 pro 18 kundër.

Po ashtu në Parlamentin që zgjati për disa orë u miratuan dhe anëtarët e 4 institucioneve. Konkretisht  Brunilda Tavani u emërua anëtare e bordit të Entit Rregullator të Energjisë.

Keti Luarasi u emërua anëtare e Këshillit të Statistikave si përfaqësuese e organeve të vetëqeverisjes vendore. Bardhyl Sejdarasi u emërua anëtar e Këshillit të Statistikave, ndërsa Ndriçim Xhepa u emërua anëtar i Këshillit Drejtues të Radiotelevizionit Shqiptar.

Sondazh

Poll

Lexo gjithashtu

Hapësire reklamuese