Helikopteri ku ndodhej presidenti bolivian Evo Morales, pati një ulje emergjente ditën e sotme për shkak të një avarie teknike.
Ulja emergjente u realizua me sukses duke shmangur ndonje tragjedi dhe presidenti së bashku me pjesëtarët e ekuipazhit të helikopterit kanë shpëtuar pa asnjë dëmtim.
Në fillim u mendua se për shkak të protestave kombëtare kundër tij, presidentit Morales u tentua që t’i bëhej një atentat për eliminim fizik.
Disa media vendore kanë shpërndarë edhe videon e momentit kur helikopteri i presidentit bëri uljen emergjente.
Kujtojmë se demostruesit bolivian bllokuan rrugët në Bolivi në një protestë kundër zgjedhjeve të fituara nga presidenti Evo Morales, duke kërkuar zhvillimin e zgjedhjeve të reja në vend, pasi qeveria u akuzua për manipulim masiv të rezultateve.
Rivali i presidentit Morales, Carlos Mesa deklaroi se protestat do të zgjasin deri në momentin kur Morales të pranojë se qeveria ka manipuluar rezultatet e zgjedhjeve.
Breaking: Helicopter carrying Bolivian President Evo Morales was forced to make an emergency landing as a result of a tail rotor failure. Evo Morales and the crew of the aircraft were unharmed. pic.twitter.com/D72HuFpMD9
— News_Executive (@News_Executive) November 4, 2019