Protestuesit marshuan gjatë pasdites së sotme drejt transmetuesit publik RTS në Beograd duke kërkuar dorëheqjen e presidentit Vuçiç dhe qeverisë së tij.
Sonte, protestuesit anti-Vuçiç nën logon ‘1od5miliona’ marshuan me një baner të ri ku shkruhej ‘Të gjithë për një’.
Për 5 muaj protestuesit anti-Vuçiç janë grumbulluar çdo të dielë në Beograd, duke kërkuar që presidenti serb Vuçiç dhe partia e tij ‘Progresistët’, të cilët janë në pushtet, të largohen.
Pasditen e sotme përsëri protestuesit do të marshojnë drejt Radio Televizionit shtetëror të Serbisë, duke brohoritur sloganet dhe thirrjet e tyre për më shumë liri në media dhe zgjedhje të drejta, të lira dhe të ndershme.
Kujtojmë se kjo është fundjava e 20-të e protestave dhe demonstratave kundër qeverisë së presidentit Vuçiç.