Ditën e sotme në Tiranë është zhvilluar një protestë, ku qytetarët kanë dalë në mbështetje të 15 vjeçares nga Mirdita që u abuzua seksualisht nga 5 persona.
Deputetja Rudina Hajdari me anë të një postimi në rrjetet sociale ka mbështetur protestën e qytetarëve, teksa shprehet se është e tronditur nga ngjarja në Mirditë.
Ajo thotë se vetëm ndëshkimi i rreptë dhe edukimi që fëmijë na jep siguri se ky fenomen do të shuhet e vajzat e gratë do të jetojnë pa frikë se dhunohen e përdhunohen në Shqipëri.
“Mirënjohje për të gjithë ata qytetarë që ngritën zërin dhe treguan revoltë karshi aktit barbar të 5 meshkujve ndaj një adoleshenteje.
Përdhunimi është një plagë e cila rri e hapur gjithë jetën te një femër.
Është traumë fizike dhe psikologjike.
Si nënë e një vajze jam e tronditur nga ai akt dhe i bëj thirrje organeve të drejtësisë të aplikojnë dënimin maksimal për përdhunuesit.
Vetëm ndëshkimi i rreptë dhe edukimi që fëmijë na jep siguri se ky fenomen do të shuhet e vajzat e gratë do të jetojnë pa frikë se dhunohen e përdhunohen në Shqipëri.
Respekt për këdo që sot reagoi”, shkruan Hajdari.