Hapësire reklamuese

Sporti

Prokuroria: Flamurtari-Teuta e trukuar, përfitimet 8.5 milion euro

Shkruar nga Newsbomb

Jemi mësuar shpesh të shohim dhunë e akte vandale nëpër stadiumet tona, ndërsa së fundmi futbolli shqiptar tronditet nga një valë episodesh trukimi. Ndeshjet  e kësaj fundjave në Superligë, Flamurtari-Teuta dhe Laçi-Partizani kanë hedhur poshtë një sezon të tërë, që pritej të ishte krejt ndryshe. Në Vlorë dhe në Laç, më shumë sesa një ndeshje futbolli është luajtur “teatër”.

Burime pranë Prokurorisë së Vlorës, siç bën publike Gazeta Shqiptare, dje kanë nisur hetimet për ndeshjen Flamurtari-Teurta. Prokuroria ka bërë kërkesë pranë shtatë kompani bastesh për të dorëzuar informacione në lidhje me shumën totale që është luajtur për këtë ndeshje. Mendohet se shuma e trukimit kap shifrën e 8.5 milion eurove dhe ndeshja të jetë fiksuar njësh për Flamurtarin. Ndërsa, sot pritet që këto ndeshjet në fjalë të hetohen në Komisionin e Etikës.

Flamurtari-Teuta ka zgjatur vetëm ’89 minuta, më pas lojtarët e Teutës e kanë humbur toruan. Portieri durrsak Osmani, që zëvendësoi çuditërisht në pjesën e dytë portierin titullar Rizvani, ishte ndër aktorët kryesorë të kësaj “shfaqje”. Menjëherë sapo merrte topin ai ua dorëzonte miqve. Vlonjatët “të harruar” brenda zonës nga mbrojtësit e Teutës u duhej thjesht t’a shtynin topin në rrjetë në mënyrë që takimi të përfundonte 2-1 ose në gjuhën e basteve, “Njësh”.

“Teatri” i luajtur në Vlorë nuk është pritur mirë nga askush prej opinionistëve sportive dhe gjithë futbolldashësit.  Presidenti i Vlorës, ka kërcënuar se do të largohet nga klubi nëse organet kompetente nuk marrin masa. Ndërsa, president i Teutës Edmond Hasanbelliu, në një deklaratë për mediat akuzoi drejtuesit e Flamurtarit se mund të kënë manipuluar lojtarët e tij.

Fillimisht, futbolli shqiptar ka përfunduar nën akuzën e mediave ndërkombëtare për ndeshjet miqësore të luajtura gjatë fazës përgatitore të janarit. Mediet gjermane dhe hollandeze kanë hedhur dyshime për trukim nga shqiptarët ,të ndeshjeve miqësore Laçi- Shtutgart dhe Den Hag-Skënderbeu.

Lexo gjithashtu

Sondazh

Gazetari Eduard Ilnica është dhunuar barbarisht mbrëmjen e së hënës nga disa persona. Për shkak të një shkrimi botuar në gazetën lokale për ekipin e Kastriotit.

Sakaq, ka reaguar demokrati Genc Pollo që akuzon qeverinë për mosmarrje dënimi apo solidarizim për rastin në fjalë.

Pollo thotë se liria e shtypit ka rënë poshte.

“Edhe një gazetar tjetër i dhunuar barbarisht pasi bëri detyrën, raportoi për dhunën në stadium. Në mes të Tiranës! Asnjë dënim apo solidarizim nga qeveria, ministri i Brendshëm, i Sportit. Si dhe më parë. Liria e shtypit poshtë”, shprehet deputeti në një deklaratë për mediat.