Hapësire reklamuese

Aktualitet

Prokurori Ndoj tregon çfarë ka në dosjet e gjetura në makinë: Çështje që lidhen me pronat...

Shkruar nga Newsbomb
Prokurori i Durrësit Arjan Ndoj

Prokurori Arjan Ndoja Arjan Ndoji pohon se nuk është ndjerë në asnjë çast i kërcënuar me jetë, deri në momentin që emri i tij është lakuar në media.

Me krah të lidhur dhe me shenja ende të dukshme në trup dhe fytyrë, prokurori i Durrësit qëndron nën survejimin e mjekëve në repartin e Ortopedisë në Durrës. Jashtë dhomës së tij qëndrojnë dy efektivë policie dhe shumë familjarë.

Arjan Ndoji tha për “A2Cnn” se në bagazhin e makinës së tij ndodheshin disa shkresa, dokumente dhe fotokopje të dosjeve për të cilat ai ka ofruar konsulencë ligjore.

“Unë prej kohësh drejtoj një studio ligjore, ku ofroj dhe konsulencë ligjore për çështje të ndryshme. Ndër to janë disa çështje që lidhen me pronat, por edhe çështje penale për të cilat unë jam njohës dhe sugjerues. Shpresoj që Prokuroria të tregohet objektive në hetim, pasi këto janë gjëra të ditura dhe unë nuk kam shkelur asnjë ligj apo të drejtë”, tha Ndoji.

I vënë nën akuza për bashkëpunim me grupe kriminale, Arjan Ndoji tha se kurrë nuk ka shpërdoruar detyrën dhe në asnjë rast nuk i ka shërbyer askujt për të përfituar:

“Nuk jam ndjerë asnjëherë i kërcënuar, ndryshe do të kisha marrë masa të mbrohem. Çdo gjë kisha pritur, vetëm këtë jo. Kisha menduar që mund të më çonin në prokurori, duke më ngritur akuza, por jo deri tek arma. Unë nuk i trembem askujt. Asgjë nuk kam bërë në kundërshtim me ligjin dhe nuk jam shoqëruar kurrë me kriminelë”.

Lexo gjithashtu

Sondazh

Poll