Sot po prezantohet projekti i qeverisë për shkollën e drejtorëve, ku pjesëmarrës është edhe kryeministri Edi Rama, i cili u shpreh se ky është një operacion për të ndarë shkollën nga politika.
Sipas Ramës sistemi arsimor ka ndryshuar nga rrënjët në krahasim me atë të 5 viteve me parë.
“Ata që nuk duan të shohin, transformimi në sistemin tonë arsimor, ka nisur nga rrënjët dhe po shtrihet në të gjithë hapësirën e funksionimit të këtij sistemi. Ka në çdo aspekt shumëçka për të përmirësuar ende por nuk ka të krahasuar sot shkolla më atë që ishte 5 vite më parë. Këtu filloj nga sistemi i rekrutimit të mësuesve i cili nuk është më i lidhur me politikën, nuk është më një proces në interes të partive, në funksion të kushërinjve por të jetë i bazuar tek dija”, u shpreh Rama.
Më tej kryeministri tha se shkolla e drejtorëve është një burim dije që nuk ka të paguar.
“Shkolla e drejtorëve do të jetë një tjetër operacion i rëndësishëm për të ndarë shkollën nga politika edhe ne nivelinn e drejtorëve”, tha Rama.