Ish-deputeti Myslim Murrizi ka folur në lidhje me projektin prej 1 miliard eurosh që dhëndri i ish-presidentit amerikan Donald Trump ka në plan ta zbatojë në ishullin e Sazanit për ta kthyer në një eko-resort luksoz.
Gjatë fjalës Murrizi nuk ka kursyer ironinë duke thënë se projekti duket si një bunker, ndërsa u shpreh se është kopje e një projekti ekzistues në Ksamil.
“Variant bunkieri. Po kështu është variant bunkeri. Ç'është kjo....Ky model e ka bërë kopje 100% një biznesmen mbi depot në Ksamil. Kjo ëshë marrë nga ata. Ai ka disa vila që disa i mban vetë, ndërsa disa i jep me qira. Është kopje asaj, nuk kanë bërë ndonjë ndryshim”, tha Murrizi ndër të tjera në “Top Story” në “Top Channel”.
Një tjetër këndvështrim ka eksperti i ekonomisë, Selami Xhepa, i cili tha se projekti i ka të gjitha gjasat që të jetë i suksesshëm.
“Unë mendoj se gjasat për të qenë i suksesshëm ky projekt, janë të mëdha sepse firma mbrapa është fond investimi, që do të thotë nuk pret të marrë para në banka. Garancia financiare është e padiskutueshme. Pjesa tjetër varet nga aftësia e autoriteteve shqiptare që të kemi një ndarje më të ndershme të asaj që përfiton investitori dhe asaj që përfiton ekonomia lokale”, tha Xhepa.
Sondazh
Lexo gjithashtu
