Kryetari i Partisë së Lirisë, Ilir Meta, ka rikhtyer sërish në vëmendje amendamentet e depozituara në Kuvend për buxhetin e vitit 2023 duke thënë se kanë si qëllim evitimin e rëndimit të menjëhershëm të barrës fiskale.
Përmes një postimi në “Facebook”, Meta thote se këto amendamente kanë si qëllim edhe evitimin e dekurajimit të profesionistëve të lirë, në mënyrë që ata të mos largohen nga vendi.
Partia e Lirisë ka propozuar shtyrjen e taksimit për profesionet e lira deri në kalimin e krizës.
“Amendamentet e Partisë së Lirisë për Projektbuxhetin 2023, për të evituar rëndimin e menjëhershëm të barrës fiskale dhe për të evituar dekurajimin e profesionistëve të lirë, në mënyrë që ata të mos largohen nga vendi”, shkruan Meta.
