Hapësire reklamuese

Aktualitet

Produket e para të satelitëve "Albania 1" dhe "Albania 2", Balluku: Kemi mbuluar me imazheri 47 % të territorit

Shkruar nga Newsbomb
Produket e para të satelitëve "Albania 1" dhe "Albania

Ministrja e Infrastrukturës dhe Energjisë dhe zv.kryeministrja Belinda Balluku, ka marrë pjesë sot në eventin e prezantimin të produkteve të para të “Shërbimit Satelitor”.

Gjatë fjalës së saj zv.kryeministrja tha se me monitorimin e territorit me shërbim satelitor, vendi ynë ka mundësi që të adresojë në mënyrë efikase çështjet emergjente si përmbytjet, përfshirja nga zjarret apo problematika të tjera.

Gjithashtu, Balluku bëri me dije se ekipi është duke përpunuar të dhënat satelitore për të krijuar një hartë bazë të Shqipërisë, e cila do të bëjë të mundur analizimin dhe krahasimin e të dhënave ndër vite që merren nga satelitët “Albania 1” dhe “Albania 2”.

“Vendit do t’i mundësohet adresimi i çështjeve urgjente si aktivitetet e ndërtimit të paligjshëm, monitorimin e përmbytjeve dhe zjarrit si për llogaritjen e dëmeve të shkaktuara por do të kemi edhe monitorim mjedisor përmes imazheve me cilësi të lartë dhe kapacitet në të gjithë vendin. Një ekip ekspertësh kanë nisur trajnimin për përdorimin e teknologjive të avancuara për përpunimin dhe analizimin e imazheve satelitore.

Ndërkohë që sipas planit dhe kërkesave të institucioneve publike, po përpunohen imazhet satelitore duke siguruar një fotografim cilësor të mbulesës së tokës mne qëllim krjimin e hartës bazë të Shqipërisë për të ofruar mundësinë e analizave krahasuese ndër vite.  Ekipi i trajnuar po ndërton raste dhe shembuj që do të jenë në ndihmë të institucioneve publike për të analizuar dhe marrë vendime në një kohë sa më të shkurtër“, tha Balluku, teksa më tej shtoi se deri më tani është mbuluar me imazheri rreth 47 përqind e sipërfaqes së territorit shqiptar, ose 13 416 kilometra katrorë.

Sondazh

Poll

Lexo gjithashtu

Hapësire reklamuese