Ervis Bardhi, i penduari i drejtësisë në çështjen në ngarkim të Ardian e Florenc Çapjes e të tjerëve të akuzuar për vrasjen e Gentian e Nezir Beqirit në Elbasan, ka dhënë dëshminë e tij sot para Gjykatës së Posaçme.
Ai tregoi në seancë sesi ishte njohur me Gentian Beqirin në burgun e Peqinit, miqësinë me të dhe vizitat e herëpashershme në shtëpinë e Beqirit, marrjen e porosisë për ekzekutimin e tij nga Ardian e Florenc Çapjes, deri në ditën e vrasjes.
Bardhi e nisi dëshminë duke thënë: “Para se të filloj, dua t’i kërkoj ndjesë familjes së viktimave, në veçanti nënës”.
Kujtojmë se vrasja e Nezir dhe Gentian Beqirit, babë e bir ndodhi në gushtin e vitit 2012 në Elbasan, ku tronditi opinionin publik, për shkak se Gentian Beqiri ishte në “arrest shtëpie” dhe me punonjës policie tek dera, kur autorët u futën në shtëpi dhe vranë atë e të atin, Nezir Beqiri.
Bardhi, i dyshuar si ekzekutori i Gentian Nezirit, pranoi të bashkëpunojë me drejtësinë.
Sipas hetimit të kryer nga prokurori i SPAK, Behar Dibra, vrasja e tyre është porositur nga Ardian e Florec Çapja, ku Bardhi e Olsi Leka janë paguar me 50 mijë euro.
Sondazh
Lexo gjithashtu
