Kryeminstri Edi Rama ka reaguar pak momente më parë për raportin e Komisionit Europian, i cili rekomandoi hapjen e negociatave për Shqipërinë dhe Maqedoninë e Veriut.
Në një postim në Twitter, Rama bën me dije se në orën 15:00 do të mbajë një konferencë të përbashkët për shtyp me ambasadorin e BE Luigi Soreca.
Gjithashtu kryeministri deklaron se Shqipëria i ka kryer me sukses detyrat e shtëpisë në këtë procesin e integrimit europian.
‘Rekomandimi pozitiv pa kushte i Komisionit Europian për çeljen zyrtare të negociatave për anëtarësim të Shqipërisë me Bashkimin Europian, konfirmon se Shqipëria i ka kryer me sukses detyrat e shtëpisë në këtë proces Në 15.00 komunikim i përbashkët publik me ambasadorin e BE’, shkruan kryeministri.