Një tjetër goditje për forcimin e njohjes ndërkombëtare të Kosovës është dhënë sot pasdite me rezolutën e miratuar në Asamblenë e Këshillit të Europës.
Katër amendamente të propozuara nga Serbia që i janë bashkuar rezolutës kanë të bëjnë me veçimin e marrëveshjeve Kosovë-Serbi për bashkësinë e komunave serbe, për mbrojtjen e trashëgimisë kulturore serbe në Kosovë si dhe kalimin e disa kompetencave te UNMIK në marrëdhenie me organizma të tilla si Interpol dhe Europol.
Shqipëria përfaqësohej në KiE nga deputetët Valentina Leskaj, Petrit Vasili, Namik Dokle dhe Oerd Bylykbashi, të cilët të mbështetur nga kryetari i delegacionit suedez, social-demokrati Jonas Gunnarson propozuan amendime kundër atyre të Serbisë, por që nuk arritën të siguronin votat e nevojshme.
Kjo është një tjetër humbje e Prishtinës dhe Tiranës përballë Beogradit vetëm në pak kohë. Disa muaj më parë Kosova dështoi të bëhej pjesë e organizatës së UNESCO, ku ishte diplomacia serbe ajo që triumfoi duke përsëritur suksesin edhe në Këshillin e Europës.