Dhjetëra banorë të Himarës dhe zonave përreth kanë dalë sot në protestë në ambientet përpara Bashkisë së qytetit për të protestuar kundër shembjes së banesave të tyre.
Projekti qeveritar i firmosur nga kryebashkiaku Jorgo Goro parashikon prishjen e banesave të 19 familjeve në Spile të Himarës për t’i hapur rrugë planit të rregullimit për qendrën.
Protestës i janë bashkuar edhe anëtarë të shoqatave të Dukatit dhe Myzeqesë.
Për çështjen e prishjes së banesave reagoi dje edhe Athina zyrtare duke i kujtuar Shqipërisë anëtarësimin në Bashkimin Europian, respektimin e të drejtës së pronës dhe minoriteteve dhe anulimin e vendimit për shembjen e tyre.