Hapësire reklamuese

Rajoni

Presidentja Osmani u kërkon ambasadorëve heqjen e sanksioneve ndaj Kosovës

Shkruar nga Newsbomb
Presidentja Osmani u kërkon ambasadorëve heqjen e sanksioneve ndaj

Vjosa Osmani në takimin që ka zhvilluar ditën e sotme me shefin e zyrës së BE-së në Kosovë, Tomas Szunyog, ambasadorin e Francës, Oliver Guerot si dhe atë të Italisë, Antonello De Riu, e poashtu edhe Mathias Conrad, zëvendësambasador i Gjermanisë ka kërkuar heqjen e masave ndaj Kosovës.

Në njoftimin e Presidencës thuhet se në takim u diskutua lidhur me zgjedhjet në katër komunat veriore.

Presidentja Osmani i kërkoi atyre edhe heqjen e masave të BE-së ndaj Kosovës. Poashtu e para e shtetit tha para ambasadorëve se Serbia nuk po përballet me përgjegjësi për nxitjen ndaj sulmit ndaj ushtarëve të KFOR-it në muaj, e edhe për agresionin kundër Kosovës më 24 shtator.

Kjo situatë, sipas saj, mund ta nxisë Serbinë që t`i shtojë veprimet destabilizuese në rajon.

Komunikata:

Presidentja e Republikës së Kosovës, Vjosa Osmani, priti sot në takim shefin e Zyrës së BE-së në Kosovë, Tomas Szunyog, ambasadorin e Francës në Kosovë, z. Olivier Guérot, ambasadorin e Italisë, Antonello De Riu dhe zv.ambasadorin e Gjermanisë, Mathias Conrad me të cilët u diskutuan zhvillimet aktuale në fushën e politikës dhe atë të sigurisë.

Në këtë takim u diskutua lidhur me përgatitjet që po bëhen për mbajtjen e zgjedhjeve në katër komunat në veri të vendit, në përputhje me legjislacionin në fuqi. Presidentja ritheksoi se e drejta për të kërkuar largimin e kryetarëve nëpërmjet nënshkrimeve është e drejtë që u takon qytetarëve dhe se tani pret që në KQZ të kryhen të gjitha procedurat e nevojshme në përputhje me ligjin dhe udhëzimin administrativ në fuqi.

Në takim me ambasadorët, Presidentja Osmani ka theksuar nevojën imediate të heqjes së masave të BE-së ndaj Kosovës, të cilat janë të padrejta dhe krijojnë mungesë ekuilibri në dialog, si dhe njëkohësisht theksoi se Kosova ka ndërmarr hapa konkret në përputhje me planin e dakorduar për këtë çështje. Heqja e masave, theksoi ajo, do të krijonte atmosferë shumë më pozitive për vazhdimin e dialogut parimor ku të dyja palët do të trajtoheshin të barabarta.

Për më tepër, gjatë takimit ajo ritheksoi se për fat të keq Serbia nuk po përballet me përgjegjësi për nxitjen e sulmit ndaj ushtarëve të KFOR-it në maj e as për sulmin e agresionit kundër Kosovës në shtator të vitit të kaluar.

Kjo situatë, sipas saj, mund ta nxisë Serbinë që t`i shtojë veprimet destabilizuese në rajon.

Një pjesë e takimit iu kushtua edhe çështjes së zbatimit të Rregullores së BQK-së, me ç’rast Presidentja ritheksoi se është me rëndësi që nuk po kërkohet që kjo rregullore të shfuqizohet, por thjesht që të punohet në një plan tranzicioni për zbatim të saj e cila merr parasysh edhe shqetësimet e të gjithë qytetarëve që mund të afektohen nga një vendim i tillë. Duke ritheksuar rëndësinë e zbatimit të Kushtetutës në çdo cep të Kosovës, Presidentja ka shtuar se suksesi në këtë drejtim është i lidhur edhe me nivelin e bashkëpunimit me aleatët tanë të cilët kanë qenë gjithnjë mbështetësit më të fuqishëm të pavarësisë, sovranitetit dhe sigurisë së shtetit tonë.

Sondazh

Poll

Lexo gjithashtu

Hapësire reklamuese