Presidenti i Ukrainës foli këtë të martë në Parlamentin e Shqipërisë përmes një videokonference. Volodymyr Zelensky falenderoi dhe popullin shqiptarët për mbështetjen në ndihmë të popullit të tij.
Në emisionin “Opinion”, ministrja Elisa Spiropali tregoi se si u arrit deri te biseda me presidentin ukrainas. Ajo tha se kontakti është vendosur përmes ambasadorit të Ukrainës në Tiranë.
“Në një komunikim me ambasadorin ukrainas këtu vendosëm të komunikojmë me ta për një lidhje të Presidentit. Ishte dhe kërkesë e tyre dhe dëshirë e jona.
Vëmendja e Shqipërisë ka qenë e padiskutuar për çështjen e Ukrainës dhe Shqipëria ka marrë një rol që është dhe përtej përmasës sonë”, u shpreh ministrja Spiropali.