Presidenti Donald Trump ka mbërritur në Corpus Christi të Teksasit dhe po informohet për situatën e përmbytjeve që kanë përfshirë pjesë të këtij shteti dhe të Luizianës fqinje.
Presidenti po inspekton nga afër punën e qeverisë për të ndihmuar banorët që përballen me shkatërrimet e mëdha.
Është hera e parë që Presidenti Trump vihet në provë nga një fatkeqësi e madhe natyrore në fillimet e administratës së tij.
Presidenti po takohet me zyrtarë të Teksasit në qendrën e operacioneve të ndihmës në Austin. Ai shoqërohet nga zonja e Parë Melania dhe zyrtarë të tjerë.
Kongresmeni i Teksasit Blake Farenthold tha se kushtet në Houston nuk janë ende të përshtatshme që presidenti të shkojë atje, por është me rëndësi që ai të shohë me sytë e tij shkatërrimet, shkruan VOA.