Presidenti Bajram Begaj do të mbledhë Këshillin e Sigurimit Kombëtar.
Mësohet se mbledhja pritet të zhvillohet më 23 janar në orën 14:00 ku do të analizohet gjendja e sigurisë kombëtare dhe diskutimi i prioriteteve për vitin 2023.
Pritet që të pranishëm të jenë anëtarët e përhershëm të Këshillit të Sigurimit Kombëtar dhe të ftuar drejtues të institucioneve me rëndësi për sigurinë kombëtare.
Kjo mbledhje synon që të japë një panoramë të plotë dhe integruar të gjendjes së Sigurisë Kombëtare në Republikën e Shqipërisë dhe të diskutojë prioritetet për vitin në vijim në funksion të angazhimit të plotë, gjithëpërfshirës të institucioneve në garantimin e sigurisë, lirisë dhe mirëqënies së qytetarëve.